24 C
Colombo
Tuesday, March 5, 2024

හමුදාවේ 75ක් අමාත්‍යාංශවලට! හමුදාවේ නම වනසයිද?

- Advertisement -

සෑම  අමාත්‍යංශයකටම අතිරේක ලේකම්වරුන් වශයෙන් විශ්‍රාමික ජ්‍යෙෂ්ඨ හමුදා නිලධාරීන් පත්කිරීමට සුදානමක් ඇති බව වාර්තා වේ.

එම පත් කිරිම් සිදු කිරීමට අතිරේක ලේකම් (සංවර්ධන) නමින් අලුතින් තනතුරක් ස්ථාපනය කරන බවත් ඒ අනුව මේ වන විට අමාත්‍යංශ 75කට පත් කරන අදාල හමුදා නිලධාරීන්ගේ නම් පිළියෙළ කර ඇති බවත් වාර්තා වේ.

එම යුධ හමුදා නිලධාරීන්ගේ නම් ඇතුළත් ලැයිස්තුවක් 2021 ජනවාරි මාසයේදී කැබිනට් මණ්ඩලයට යොමු කර අනුමැතිය ලබා ගැනීමට කටයුතු සුදානම් බවත් වාර්තා වේ.

මීට අමතරව රාජ්‍ය සේවයේ සක්‍රිය කටයුතු කරන ජේ්‍යෂ්ඨ නිලධාරීන් කිහිපදෙනෙකුවම ඔවුන් සේවය කරන ස්ථානවලින් ඉවත් කර සංචිතයට දැමීමට සුදානමක් ඇති බවත් වාර්තා වේ.

මේ පිළිබඳව අදහස් දක්වමින් හිටපු අමාත්‍යංශ ලේකම්වරයෙකු පැවසූවේ කොවිඩ් වසංගතය ලංකාවෙන් නැතීවී යන විට ලංකාවේ පරිපාලන සේවයත් නැති යෑමට ඉඩ ඇති බවය.

ගෝඨාභය රාජපක්ෂ ජනාධිපතිධුරයට පත් වූයේ හමුදා පසුබිමක් ඇති, එම පසුබිම මත රට හැදීමේ හැකියාවක් ඇති කෙනෙකු වශයෙනි. කොවිඩ්-19 වසංගතය මර්දනයටත් හොඳම සුදුස්සා ඔහු බව මහමැතිවරණ සමය දක්වාම කියැවිණි. තමා වසංගතය මර්දනය කළ අයුරු නොකියා වෙන රටවල අය මර්දනය කළ හැටි කියන්නේ ඇයිදැයි ඔහු වතාවක් විමසා තිබුණි. එහෙත්, අප කතාකරන මොහොත වන විට රටේ කොවිඩ්-19 මරණ 199කි. ඔහු අසමත් බව කියන අය බොහෝය.

කොවිඩ්-19 තත්වය වර්ධනය වෙද්දී ‘යුද්ධයක් නම් කරන්න තිබුණා. වසංගතයක් මර්දනය කරන්න ඕනෑ වසංගත විශේෂඥයන්’ යන අදහස ඔහු ඉදිරිපත් කළේය. රටක පරිපාලනය දන්නේ පරිපාලන විශේෂඥයන්ය. ආර්ථිකය දන්නේ ආර්ථික විශේෂඥයන්ය. මීට පෙර වතාවක් මාර්ගවල තදබදය හසුරුවන්නට හමුදාව යොදවා අසාර්ථක විය. සහල් මිල පාලනයට හමුදාව යොදවා අසමත් විය. කොවිඩ්-19 පාලනයටත් යොදවා ඉන්නේ හමුදාපතිවරයාය. එයද අසමත් වී හමාරය.

හමුදාවට සියල්ල කරන්නට බැරි බව කීම හමුදාව සමඟ තරහකින් කියන්නක් නොවේ. හමුදාවේ ඉන්නේත් අප වැනි මිනිසුන්මය. ඔවුන්ට සාර්ථකව කළ හැකි දේවල් බොහෝය. කළ නොහැකි දේවල්ද බොහෝය. රාජ්‍ය පරිපාලනය යනු ඉතා සංකීර්ණ කටයුත්තකි.

ශ්‍රී ලංකාවේ රාජ්‍ය පරිපාලන සේවය මෑත කාලයේ කඩාවැටී ඇති බව සැබෑවකි. දූෂිතයන්ගෙන් පරිපාලන සේවය පිරී ඇති බවත් චෝදනාවකි. එහෙත්, විසඳුම හමුදාව යෙදවීම නොවේ. ක්‍රිකට් කණ්ඩායමක් අසමත් වූ පසු විසඳුම් ලෙස පාපන්දු කණ්ඩායමක් යෙදවීමෙන් පලක් නැත. එයට කළ යුත්තේ දූෂණය, වංචාව, අකාර්යක්ෂමතාව මැඬලීමට ක්‍රමවේද සැකසීමය.

ඇතැම්විට සෑම අමාත්‍යාංශයටම හමුදාව යොදවන්නට ගොස් ජනාධිපතිවරයා ධුරයෙන් බැස යන විට හමුදාවේ ගෞරව නාමය සම්පූර්ණයෙන් විනාශ කරන්නට ඉඩ ඇත.

RECENT ARTICLES - SINHALA

Breaking: ඉන්ධන මිල සංශෝධනය කෙරේ

ලංකා ඛනිජ තෙල් නීතිගත සංස්ථාව විසින් අද(04) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබෙනවා. ඒ අනුව ලංකා පෙට්‍රල් ඔක්ටේන් 95 ලීටරයක...

ගූගල් මැප් එක බලාගෙන අරලියගහ මන්දිරයට පැනලා

ගුගල් සිතියම උපයෝගී කරගෙන අරලියගහ මන්දිරයට තාප්පයෙන් පැන අනවසරයෙන් ඇතුළු වූ පුද්ගලයන් දෙදෙනෙකු අත්අඩංගුවට ගත් බව කොල්ලුපිටිය පොලිසිය පවසනවා. මෙලෙස අත්අඩංගුවට ගෙන ඇත්තේ මෘදුකාංග ඉංජිනේරුවරයෙකු...

ඊළඟ අවුරුද්දෙත් තියෙන්නේ මේ ආණ්ඩුවම තමයි – රනිල්

ලබන වසරේත් රටේ පවතින්නේ වත්මන් ආණ්ඩුවම බව ජනාධිපති රනිල් වික්‍රමසිංහ පවසනවා. ඔහු මෙම අදහස් පළ කළේ, ගම්පහ දිස්ත්‍රික්කයේ සංවර්ධන කටයුතු පිළිබද අද (04) ජනාධිපති...

POPULAR ARTICLES

පාසල් උන්මාදය නිසා ශ්‍රී ලංකන් ගුවන් සේවය ආයෙත් ජෝක් වෙලා

මෙල්බර්න් සිට මෙරටට පැමිණි A330-300 දරණ ශ්‍රී ලංකන් ගුවන් යානයේ රාජකීය විද්‍යාලයේ හා ශාන්ත තෝමස් විද්‍යාලයේ ධජ ප්‍රදර්ශනය කර තිබූ බව Dailymirror පුවත්පත වාර්තා...

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

Breaking: ඉන්ධන මිල සංශෝධනය කෙරේ

ලංකා ඛනිජ තෙල් නීතිගත සංස්ථාව විසින් අද(04) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබෙනවා. ඒ අනුව ලංකා පෙට්‍රල් ඔක්ටේන් 95 ලීටරයක...