දින කිහිපයක සිට අබිරහස් ලෙස අතුරුදන්ව සිටි කෝටිපති ව්‍යාපාරිකයකුගේ මළසිරුර ඔහුට අයත් තලංගම පැලවත්ත එන් ඩි එච් පුර සුඛෝපභෝගී තෙමහල් නිවස පිහිටි භූමියේ නාන තටාකයේ හමුවී තිබෙනවා.
තලංගම පොලිසිය කියා සිටියේ මළ සිරුර සොයා ගන්නා විට නිරුවත්ව තිබූ බවයි.
මෙලෙස අභිරහස් ලෙස මියගොස් තිබුණේ වැල්ලම්පිටිය කිත්තම්පහුව පදිංචිව සිටි රොෂාන් වන්නිනායක නැමැති 49 හැවිරිදි පුද්ගලයෙකි.
පසුගිය 30 වනදා දින නිවසින් පිටත්ව ගිය සහෝදරයා මෙතෙක් නිවසට නොපැමිණි බව පවසමින් මියගිය පුද්ගලයාගේ සහෝදරිය විසින් ඊයේ (1) ද වැල්ලම්පිටිය පොලිසියට පැමිණිල්ලක් කර තිබෙනවා.
ව්‍යාපාරිකයාගේ අභිරහස් මරණය සම්බන්ධයෙන් මහේස්ත්‍රාත් පරීක්ෂණයක් මෙන්ම නුගේගොඩ කොට්ඨාශ අපරාධ පරීක්ෂණාගාර නිලධාරීන් ද පැමිණ පරීක්ෂණ සිදුකිරීමට නියමිත ඇති බවයි වාර්තා වන්නේ.
තලංගම පොලිසීය සිද්ධිය සම්බන්ධයෙන් වැඩිදුර විමර්ශන සිදුකරනු ලබනවා.
