මනිපූර් ප්රාන්තයේ, වාර්ගික ගැටුම් උත්සන්න වීමත් සමඟ, ඉන්දීය අග්රාමාත්ය නරේන්ද්ර මෝදිට එරෙහිව, එරට පාර්ලිමේන්තුවට (ලොක් සභාවට) විශ්වාසභංගයක් ගෙන ඒමට ඉන්දීය විපක්ෂ දේශපාලන කණ්ඩායම් සූදානම් වී තිබෙනවා.
මනිපූර් ප්රාන්තයේ බලයේ සිටින්නේ මෝදිගේ භාරතීය ජනතා පක්ෂයයි.
පසුගිය මැයි මාසයේ වාර්ගික ගැටුම් ආරම්භ වූ අතර එම ගැටුම් හේතුවෙන් මේ වනවිට 130 දෙනෙක් මියගොස් තිබෙනවා
මේ අතර 60,000 කට උන්හිටිතැන් අහිමි වී ඇතැයි ඉන්දීය මාධ්ය වාර්තා කරනවා.
ඉන්දීය පාර්ලිමේන්තුවේ ආසන 542 ක් වන අතර අග්රාමාත්ය නරේන්ද්ර මෝදි ප්රමුඛ හින්දු ජාතිකවාදී භාරතීය ජනතා පක්ෂයට හිමි ආසන 301 ක්.
විපක්ෂ දේශපාලන කණ්ඩායම් සන්ධානගතවී විශ්වාසභංගයක් ඉදිරිපත් කළත් එය පරාජය කිරීමේ හැකියාව භාරතීය ජනතා පක්ෂය සතු බවයි ඉන්දීය මාධ්ය වාර්තා පෙන්වා දෙන්නේ.