බංග්ලාදේශ ක්‍රිකට් පාලක මණ්ඩලය විසින් එරට ජාතික ක්‍රිකට් කණ්ඩායම සඳහා නව නායකයෙකු පත් කර තිබෙනවා.
මෙලෙස බංග්ලාදේශ කණ්ඩායමේ නායකයා ලෙස පත්කර ඇත්තේ නජ්මුල් හුසේන් ෂැන්ටෝයි.
බංග්ලාදේශ ක්‍රිකට් පාලක මණ්ඩලය උපුටා දක්වමින් විදෙස් මාධ්‍ය වාර්තා කර තිබුණේ මොහුව ටෙස්ට්, එක්දින සහ විස්සයි විස්ස යන කණ්ඩායම් තුනෙහිම නායකයා ලෙස පත්කර ඇති බවයි.
බංලාදේශ ක්‍රිකට් පාලක මණ්ඩලය මෙම නිවේදනය සිදු කර ඇත්තේ, ඉදිරි විස්සයි විස්ස ලෝක කුසලාන තරගාවලියේදී බංග්ලාදේශ කණ්ඩායම ශකිබ් අල් හසන් විසින් මෙහෙයවනු ඇති බවට වාර්තා පළවී තිබූ පසුබිමකයි.
