ආශිර්වාද ලබාගැනීම සඳහා දේවාලයක් වෙත ගිය බලංගොඩ ප්රදේශයේ පාසල් ශිෂ්යයෙකු එක්වරම ඇදවැටී මියගොස් ඇති බවට වාර්තා වනවා.
මෙලෙස මියගොස් ඇත්තේ, අද දිනයේ සාමාන්ය පෙළ විභාගයට පෙනී සිටීමට නියමිතව සිටි පාසල් ශිෂ්යයෙක්.
හරනාත් රංජිත් කුමාර නමැති එම පාසල් සිසුවා බළන්ගොඩ මාරතැන්න ප්රදේශයේ පිහිටි දේවාලයක් වෙත අද උදෑසන ගොස් තිබුණා.
එහිදී ක්ලාන්ත වී ඇදවැටුණු දරුවා මාරතැන්න වතු රෝහලට ඇතුළත් කර ඇති අතර, ඒ වනවිටත් පාසල් සිසුවා මියගොස් ඇති බවට වාර්තා වනවා.
පශ්චාත් මරණ පරීක්ෂණය බළන්ගොඩ රෝහලේදී සිදුකිරීමට නියමිත අතර, බළන්ගොඩ පින්නවල පොලීසිය සිද්ධිය සම්බන්ධයෙන් වැඩිදුර විමර්ශන සිදුකරනු ලබනවා.