ජංගම දුරකථන භාවිත කරන සෑම පාරිභෝගිකයෙකුම නිසි පරිදි තම සිම්පත ලියාපදිංචි කරගත යුතු බව ශ්‍රී ලංකා විදුලි සංදේශ නියාමන කොමිෂන් සභාව පවසනවා.
අද (12) මාධ්‍ය වෙත ප්‍රකාශයක් කරමින් එම කොමිෂන් සභාවේ අධ්‍යක්ෂ (අනුකූලතා) මේනකා පතිරණ මහත්මිය මේ බව සඳහන් කළා.
දැනට භාවිතා නොකරන සිම්පත් සහිත දුරකථන සමාගම් සම්බන්ධ කරගැනිමෙන් තමාගේ නමින් සිම්පතක් ලියාපදිංචි වී තිබේද යන්න පරික්ෂා කර ගැනීමේ හැකියාව පවතින බව මේනකා පතිරණ මහත්මිය පවසා සිටියා.
තමාගේ නමින් නොදැනුවත්ව දුරකථන සිම්පත් නිකුත්වී ඇත්නම් ඒවා විසන්ධි කිරීමට වහාම කටයුතු කරන ලෙස පැවසු ශ්‍රී ලංකා විදුලි සංදේශ නියාමන කොමිෂන් සභාවේ අධ්‍යක්ෂවරිය ජාතික හැඳුනුම්පත් අංකය යටතේ අනුදැනුමකින් තොරව සිම්පත් නිකුත්වී ඇත්නම් ඒවා විසන්ධි කිරීම ඉතාම වැදගත් වන බව තවදුරටත් සඳහන් කළා
