අම්බලන්තොට පොලිස් වසමේ හබරත්වල ප්රදේශයේ දී බඹරු දෂ්ඨ කිරීමෙන් පුද්ගලයෙක් ජීවිතක්ෂයට පත්ව තිබෙනවා.
පොලීසිය පැවසුවේ ඊයේ (01) උදෑසන පුද්ගලයින් දෙදෙනෙකුට බඹරු දෂ්ඨ කර ඇති අතර ඉන් එක් අයෙක් මියගොස් ඇති බවයි.
අනෙක් පුද්ගලයා ප්රතිකාර සඳහා සුරියවැව රෝහලට ඇතුළත් කර තිබෙන අතර මියගොස් ඇත්තේ අවුරුදු 57 හැවිරිදි විහාරගල, සූරියවැව ප්රදේශයේ පදිංචිකරුවෙක්.
මියගිය පුද්ගලයා තවත් අයෙක් සමග ආඩිගම වැවේ මසුන් ඇල්ලීමට ගොස් ඒ සඳහා බිලි පිත්තක් සාදා ගැනීමට වැව ආසන්නයේ කැලෑබඳ පෙදෙසට ගිය අවස්ථාවේ දී බඹර ප්රහාරයට ලක්ව තිබෙනවා.
පසුව මෙම පුද්ගලයින් දෙදෙනා අසල තිබු වාඩියකට දිව ගොස් තිබෙන අතර එවිට වාඩියේ සිටි තවත් පුද්ගලයින් දෙදෙනෙකුට බඹරු දෂ්ඨ කර ඇති බව වාර්තා වනවා.
මියගිය පුද්ගලයාගේ සිරුර වාඩිය අසල තිබී හමුව ඇති අතර, බඹර ප්රහාරයට ලක්වූ අනෙක් පුද්ගලයින් තිදෙනාගෙන් එක් අයෙක් ප්රතිකාර සඳහා රෝහල්ගත කර තිබෙනවා.