කලවාන නගරයේ පෞද්ගලික වාහන අලුත්වැඩියා කරන ආයතනයක් අසලදී අද (02) තියුණු ආයුධයකින් පුද්ගලයකුට පහරදී ඝාතනය කර ඇති බව කලවාන පොලිසිය පවසනවා.
මෙලෙස මියගොස් ඇත්තේ කලවාන ගොණගලකන්ද ප්‍රදේශයේ පදිංචි රාජිත ජයසූරිය නැමැති (54) හැවැරිදි විවාහක දෙදරු පියෙකු බව කලවාන පොලිසිය සඳහන් කරනවා.
සැකකරු සමග ඇති වූ බහින් බස් වීමකින් අනතුරුව තියුණු ආයුධයකින් පහර දී ඔහු එම ස්ථානයේ ඝාතනය කර ඇති බව කලවාන පොලිසිය පවසනවා.
මෙම ඝාතනය සම්බන්ධයෙන් සැකපිට පුද්ගලයකු කලවාන පොලිසිය මගින් අත්අඩංගුවට ගෙන තිබෙනවා.
