තම නිවසේ විදුලිය විසන්ධි විම නිසා යාබද නිවසකින් විදුලිය ලබා ගැනිමට ගිය පුද්ගලයෙකු විදුලි සැර වැදි අද (24) පස්වරුවේ මියගොස් ඇතැයි හිනිදුම පොලිසිය පවසනවා.
මෙසේ මියගොස් ඇත්තේ, හිනිදුම, කුඹුරේගොඩ, හබරකඩ, තවලම පදිංචි 34 හැවිරිදි පුද්ගලයෙක්.
ඔහුගේ නිවසේ විදුලිය විසන්ධිවිම නිසා එම නිවසට යාබදව පිහිටි නිවසින් වයරක් ඇද විදුලිය ලබා ගැනිමට වයරය සවි කිරිමේදි විදුලි සැර වැදි මියගොස් තිබුණා.
ප්රතිකාර සඳහා ඔහුව නෙළුව – මැදගම රෝහලට ගෙන ගොස් ඇති අතර, වෛද්යවරුන් පවසා ඇත්තේ ඒ වනවිටත් ඔහු මියගොස් ඇති බවයි.
පශ්චාත් මරණ පරික්ෂණය පැවැත්විම සඳහා මළ සිරුර හෙට කරාපිටිය රෝහල වෙත ගෙන ඒමට නියමිතයි.
සිද්ධිය සම්බන්ධයෙන් හිනිදුම පොලිසිය විසින් වැඩිදුර පරික්ෂණ පවත්වා ගෙන යනු ලබනවා.