මෙරට ද්රවිඩ ජනතාවගේ ගැටටළුවලට දේශපාලන විසඳුමක් ලබාදීම උදෙසා ඇමරිකානු මැදිහත්වීමක් අපේක්ෂා කළ හැකි බවට මෙරට ඇමෙරිකානු තානාපතිනිය වන ඇලයිනා බී ටෙප්ලිට්ස් ප්රකාශ කළේ යැයි ද්රවිඩ ජාතික සන්ධානය පවසනවා.
ඇමරිකානු තානාපතිවරිය සහ අනෙකුත් අනෙකුත් නිලධාරීන් සමඟ ද්රවිඩ ජාතික සන්ධානය ඊයේ (15) පෙරවරුවේ පක්ෂ නායක ආර්.සම්බන්ධන්ගේ නිවසේදී පැවැත්වූ සාකච්ඡාවකදී ඇය මේ බව ප්රකාශ කළ බවයි එම පක්ෂයේ පාර්ලිමේන්තු මන්ත්රී එම්.ඒ. සුමන්දිරන් මහතා සිය ෆේස්බුක් ගිණුමේ සටහනක් තබමින් කියා සිටින්නේ.
ද්රවිඩ ජාතිකයන්ගේ ගැටළු සම්බන්ධයෙන් ක්රියා කිරීමට ශ්රී ලංකා රජයට බලකර සිටීම දිගින් දිගටම ඇමරිකාව විසින් සිදු කරන බවට මෙහිදී ඇය පොරොන්දු වූ බවයි එම්.ඒ. සුමන්දිරන් මහතා පවසන්නේ.