ශ්‍රී ලංකා පොදුජන පෙරමණේ ජාතික සංවිධායකවරයා වන බැසිල් රාජපක්ෂ මහතාට පාර්ලිමේන්තුවට එන ලෙස ඉල්ලා දේව කන්නලව්වක් හා උද්ඝෝෂණයක් ඊයේ (3) සීනිගමදී පැවැත්වුණා.
දකුණු පළාත් සභාවේ හිටපු පළාත් සභා මන්ත්‍රී ෂම්මු ආරියවංශ මහතා සංවිධානය කළ මේ දේව කන්නලව්වට හා උද්ඝෝෂණයට රත්ගම ප්‍රාදේශීය සභාපති ටී.නිමල්, රත්ගම ප්‍රාදේශීය සභාවේ සීනිගම කොට්ඨාස ප්‍රාදේශීය සභා මන්ත්‍රී රුවන් ප්‍රීතිකුමාර යන ප්‍රාදේශීය සභා මන්ත්‍රීවරුන් හා රත්ගම පොදුජන පෙරමුණු පාක්ෂිකයින් පිරිසක් මේ අවස්ථාවට සහභාගීවුණා.
සීනිගම දේවාලයට ගිය මේ පිරිස බැසිල් රාජපක්ෂ මහතාව පාර්ලිමේන්තු මන්ත්‍රීවරයෙක් ලෙස පත්කිරීමට අදාළ බලධාරීන්ගේ සිත් පහල වේවා යයි ප්‍රාර්ථනා කරමින් අදාළ දේව කන්නලව සිදුකර තිබෙනවා.
