කොළඹ කොටස් වෙළෙඳපොළ ප්රධාන මිල දර්ශකය වන සියලු කොටස් මිල දර්ශකය ඊයේ (06) ඒකක 120.93ක කැපීපෙනෙන වර්ධනයක් පෙන්නුම් කර තිබෙනවා.
ඒ අනුව දිනය අවසන් වන විට සියලු කොටස් මිල දර්ශක අගය ඒකක 12,310.78ක් ලෙසින් ඉහළ ගොස් තිබුණා.
මේ අතර S&P SL20 දර්ශකය ද ඊයේ දිනය තුළ ඒකක 57.58 කින් ඉහළ ගොස් තිබූ අතර දිනය අවසන් වන විට දී ඒකක 3,650.88ක අගයක් වාර්තා කළා.
සියලු කොටස් මිල දර්ශකයේ වර්ධනය සඳහා සම්පත් බැංකුව, කොමර්ෂල් බැංකුව, ලංකා දුම්කොළ සමාගම, හැටන් නැෂනල් බැංකුව සහ නේෂන්ස් ට්රස්ට් බැංකුව යන සමාගම්වලින් ඉහළ දායකත්වයක් ලැබී තිබුණු බව කොටස් වෙළෙඳපොළ සංඛ්යා දත්ත පෙන්නුම් කරනවා.
මේ අතර දිනය තුළ සමාගම් 132ක කොටස් මිල ගණන් පෙර දිනයට සාපේක්ෂව ඉහළ ගොස් තිබුණු අතර මිල පහළ ගොස් තිබුණු සමාගම් ගණන 51ක්.