ශ්‍රී ලංකා වරාය අධිකාරිය මෙම වසරේ පළමු කාර්තුවේදී වාර්තාගත බහාලූ මෙහෙයුම් ධාරිතාවක් ලබාගෙන ඇතැයි එම අධිකාරිය පවසනවා.
පසුගිය වසරේ පළමු කාර්තුවේදී බහාලු මෙහෙයුම් ප්‍රමාණය 441,032 ක් වන අතර, මෙම වසරේ ප්‍රමාණය 652,766ක් වනවා.
එහි වර්ධනය ප්‍රතිශතයක් ලෙස 48%ක් ලෙසයි සදහන් වනවා.
එම අධිකාරියේ සන්නිවේදන හා ජන සම්බන්ධා කොට්ඨාසයේ ප්‍රධාන කළමනාකරු චිත්‍රාල් ජය වර්ණ මහතා පැවසුවේ, මෙම වසරේ පළමු මාස තුන තුළදී ප්‍රතිනැව්ගත කළ බහාලු ප්‍රමාණය 582,403ක් වන අතර, එය පසුගිය වසරේ මෙම කාලසීමාවට අනුව සාපේක්ෂව 49.81%ක් බවයි.
