දිගින් දිගටම ආණ්ඩුවට පක්ෂව කටයුතු කිරීම හේතුවෙන් සමඟි ජන බලවේගයේ පස්සර සංවිධායක ධුරයෙන් පාර්ලිමේන්තු මන්ත්‍රී වඩිවෙල් සුරේශ්ව වහාම ක්‍රියාත්මක වන පරිදි ඉවත් කිරීමට සමගි ජනබලවේගය තීරණය කර තිබෙනවා.
අයවැය දෙවන වර කියවීමේ ඡන්ද විමසීමේ දී ඊට පක්ෂව ඡන්දය ප්‍රකාශ කිරීම මෙලෙස අදාළ ඉවත්කිරිම සිදුකරීමට ආසන්නම හේතුව බවයි සමගි ජනබලවේගයේ ප්‍රබලයෙකු සඳහන් කළා.
මේ වන විට සමගි ජනබලවේගයේ පස්සර නව සංවිධායකවරයා ලෙස ලෙත්චුමන් සංජය පත් කර තිබෙනවා.
මිට පෙර වඩිවෙල් සුරේශ් අවස්ථා ගණනකදීම ජනාධිපති රනිල් වික්‍රමසිංහගේ ක්‍රියා කාලාපය අගය කරමින් ප්‍රකාශයන් සිදුකර ඇති අතර සමඟි ජන බලවේගයේ නායකත්වයද විවේචනය කළ අවස්ථා දැක ගැනීමට හැකි වුණා.
ඔහුගේ එම ක්‍රියා කලාපයන් පිළිබඳව සමඟි ජන බලවේගය විසින් විනය පරීක්ෂණයක් පැවැත්වීමට සුදානමින් සිටින බවටයි තොරතුරු වාර්තා වනවා.
