ලොව කාර්ය බහුලතම නෞකා ගමන් මාර්ගයක් වන සුවස් ඇල හරහා ටොන් ලක්ෂ 02ක් පමණ බරකින් යුත් භාණ්ඩ අඩංගු නෞකාවක් සිරවීම හේතුවෙන් මේ වන විට එම ඇල හරහා නෞකා ගමනා ගමනයට බාධා එල්ලවී තිබෙනවා.
“MV Ever Given” නම් මෙම නෞකාව දිගින් අඩි 1,312ක් වන අතර පළල අඩි 175ක් වන බහාලුම් ප්‍රවාහන නෞකාවක් වනවා.
මෙම නෞකාව සිරවිමත් සමග ඊට පසු පසින් තවත් නෞකා 100 ක් පමණ පෙළ ගැසී තිබෙන බවත් සහන කණ්ඩායම් විසින් සුවස් ඇලේ එක් ඉවුරක් විශාල කරමින් සිරවී තිබෙන “MV Ever Given” නෞකාවට ක්‍රමයෙන් යාත්‍රා කිරිමට හැකිවන ලෙස අවශ්‍ය කටයුතු සකස් කරලීමට දැඩි උත්සහයක නිරතව සිටින බවත් විදෙස් මාධ්‍ය සදහන් කරනවා.
සිරවී තිබෙන නෞකා අතර ඉන්ධන බැරල් මිලියන 13ක් රැගත් නෞකා 10ක් ද වනවා.
මෙම තත්ත්වය සමඟ ලෝක ඉන්ධන වෙළෙදපලේ ඉන්ධන මිල සීයයට 2 කින් ඉහළ ගොස් ඇති අතර ඉන්ධන හිඟයක් ඇතිවද යන්න සම්බන්ධයෙන් බියක්ද ඇතිව තිබෙන බව විදෙස් මාධ්‍ය වැඩිදුරටත් සදහන් කරනවා.
