පාතාලය මර්දනය කිරීම සඳහා අද (27) සිට විශේෂ මෙහෙයුමක් ආරම්භ කිරීමට නියමිතයි.
මහජන ආරක්ෂක අමාත්‍ය ටිරාන් අලස් මහතාගේ ප්‍රධානත්වයෙන් පැවැති විශේෂ රැස්වීමකදී එම තීරණය ගෙන තිබෙනවා.
එම සාකච්ඡාව සඳහා බස්නාහිර සහ දකුණ ජ්‍යෙෂ්ඨ නියෝජ්‍ය පොලිස්පතිවරු, ත්‍රස්ත විමර්ශන ඒකකය, අපරාධ පරීක්ෂණ දෙපාර්තමේන්තුව, පොලිස් විශේෂ කාර්ය බළකාය, පොලිස් අපරාධ විමර්ශන කොට්ඨාස සහ අනෙකුත් විමර්ශන අංශ එක්ව තිබෙනවා.
රට පුරා ක්‍රියාත්මක මත්ද්‍රව්‍ය ජාවාරම් සහ පාතාලය සම්පූර්ණයෙන් මර්දනය කරන ලෙස මහජන ආරක්ෂක අමාත්‍ය ටිරාන් අලස් මහතා පොලීසියට විශේෂ නියෝගයක් ලබාදී තිබේ.
පොලීසිය ප්‍රකාශ කළේ, මෙහිදී අමාත්‍යවරයා මත්ද්‍රව්‍ය සහ පාතාලය මර්දනය කිරීමට සම්පූර්ණ ශක්තිය යොදා කටයුතු කරන ලෙස අදාල පොලිස් නිලධාරීන්ට උපදෙස් දුන් බවයි.
