මෙවර 2022 අ.පො.ස සාමාන්‍ය පෙළ ප්‍රතිඵල මත මෙවර සිසුන් දෙලක්ෂ නමදාස් හත්සිය හැට එකක් උසස් පෙළ සඳහා සුදුසුකම් ලබා තිබෙනවා.
එය 72.07% ප්‍රතිශතයක් බවයි සඳහන් වන්නේ.
අද(01) පාර්ලිමේන්තුවේ දී අධ්‍යාපන ඇමති සුසිල් ප්‍රේමජයන්ත මහතා විසින් මේ බව සඳහන් කළා.
මෙවර සමාන්‍ය පෙළ විභාගයෙන් A9 සාමාර්ථ ලබා ගත් සිසුන් 13,588 සිටින බව අමාත්‍යවරයා වැඩිදුරටත් පැවසුවා.
ඒ අනුව 2022(2023) සාමාන්‍ය පෙළ විභාගයෙන් දිවයිනේ ප්‍රථම ස්ථානය මහනුවර මහාමායා බාලිකා විද්‍යාලයේ සිසුවියක් ලබා ගෙන ඇති බව අධ්‍යාපන අමාත්‍යවරයා පවසනවා.
2 වන ස්ථානය යාපනය වෙම්බඩි උසස් බාලිකා විද්‍යාලයෙන් හා 3 වන ස්ථානය කොළඹ රාජකීය විද්‍යාලය හිමි කරගෙන තිබෙන බව අධ්‍යාපන ඇමති සුසිල් ප්‍රේමජයන්ත මහතා සඳහන් කළා.
මෙවර සාමාන්‍ය පෙළ විභාගය සඳහා අපේක්ෂකයින් 472,553ක් පෙනි සිට තිබෙනවා.
