මුදල් විශුද්ධිකරණය සහ ත්රස්තවාදයට මුදල් සැපයීම වැළැක්වීම පිළිබඳව ශ්රී ලංකාවේ මීළඟ ප්රවේශය නුදුරේදීම ක්රියාවට නංවන බව ජනාධිපති රනිල් වික්රමසිංහ මහතා පවසනවා.
ජනාධිපතිවරයා මේ බව ප්රකාශ කළේ ඊයේ (03) නුවරඑළිය ග්රෑන්ඩ් හෝටලයේ පැවැත්වෙන ජාතික නීතිඥ සමුළුවට එක්වෙමින්.
රටේ ව්යාපාර කිරීමේ පහසුව, ව්යාපාර ශ්රේණිගත කිරීම සහ විදේශ ආයෝජන ආකර්ෂණය කර ගැනීමේ හැකියාව කෙරෙහි මෙය සෘජුවම බලපාන බවයි ජනාධිපතිවරයා පවසන්නේ.
මුදල් විශුද්ධිකරණයට සහ ත්රස්තවාදයට මුදල් සැපයීමට එරෙහිව පවතින නීති රාමුවේ ඇති හිඩැස් කඩිනමින් හඳුනා ගැනීමේ වැදගත්කම මෙම අවස්ථාවේදී පෙන්වා දුන් ජනාධිපතිවරයා සඳහන් කළේ එලෙස නොවුණහොත් ශ්රී ලංකාව නැවත වාරයක් උපායමාර්ගික ඌනතා සහිත රටක් ලෙස ලැයිස්තුගතවීමේ අවධානමක් ඇති බවයි.
ඉන් රටේ ආර්ථික සංවර්ධනයට එල්ලවන බලපෑම ද ජනාධිපතිවරයා පැහැදිලි කර සිටිය.
ජනාධිපතිවරයා කියා සිටියේ ජාතික ප්රතිපත්තියක් අනුව රට ඉදිරියට ගෙන යාමේ අවශ්යතාව බවත් ජාතික ප්රතිපත්තියක් සැලසුම් කිරීම සඳහා මේ වන විටත් මූලික පියවර ගෙන ඇති බවත්ය.