28 C
Colombo
Saturday, May 25, 2024

චීන අභ්‍යවකාශ මධ්‍යස්ථානයේ ගගනගාමීන් තිදෙනාට විවිධ ආහාර වට්ටෝරු 120 කින් යුතු සුපිරි කෑමක්

- Advertisement -

පසු ගිය දා චීනය සිය අභ්‍යවකාශ මධ්‍යස්ථානය වෙත ගගනගාමීන් තිදෙනෙකු රැගත් ෂෙන්ෂෝ 12 යානය සාර්ථකව දියත් කළ අතර ගගනගාමීන් තිදෙනා මාස තුනක කාලයක් කක්ෂයේ රැඳී සිටින බව ප්‍රකාශ කරන ලදී.මෙම කාල සීමාව තුළ දීසි වර්ග 120 කට වැඩි ගණනකින් ආහාර තෝරා ගැනීමට ඔවුන්ට අවස්ථාව ලැබෙන බව ද ඒ අතර වාර්තා වේ.

චීන ගගනගාමීන් වන නී හයිෂෙං, ලියු බෝමිං සහ ටැන්ග් හොංබෝ අභ්‍යවකාශ මධ්‍යස්ථානයේ ප්‍රධාන මොඩියුලය ලෙස සැලකෙන ටියැන්හේ වෙත පැමිණියේ ජුනි 17වෙනිදාය.ඊට පෙර අවශ්‍ය සැපයුම් රැගෙන ටියැන්ෂෝ 2 භාණ්ඩ අභ්‍යවකාශ යානය මැයි 29 වන දින කක්ෂගත කිරීමට ද පියවර ගෙන තිබුණි.

ටියැන්ෂෝ 2 යානය විසින් අභ්‍යවකාශ මධ්‍යස්ථානය වෙත සපයනු ලබන ටොන් 6.8 ක සැපයුම් අතර විවිධාකාර තේ,පළතුරු යුෂ සහ සුප් වැනි පානවර්ග ඇතුළු ප්‍රධාන ආහාර සහ පාන වර්ග රාශියක් ඇති බව පැවසේ.නැවුම් පලතුරු හා එළවළු සිසිලනය කිරීම සඳහා අවශ්‍ය සියලු පහසුකම් ද යානය සතුය.

මෙම ආහාර පානවර්ග ගගනගාමීන්ගේ පෞද්ගලික රුචි අරුචිකම් අනුව තෝරා ගනු ලබන බව චීනයේ ප්‍රධාන ගගනගාමී පුහුණුකරු වන හුවාං වයිෆන් රජයට අයත් රූපවාහිනී නාලිකාවක් වන CCTV වෙත ප්‍රකාශ කළේය.

සුදුළූනු සෝස් එක් කළ ඌරු මස්, කුං පාවෝ කුකුළු මස්, කළු ගම්මිරිස් යෙදූ හරක් මස්, අච්චාරු දමන ලද ගෝවා ඇතුළු තවත් බොහෝ දේ එම ආහාර වට්ටෝරුවලට ඇතුළත් වේ.

එමෙන්ම අභ්‍යවකාශ මධ්‍යස්ථානයට මුළුතැන්ගෙයක් හා මයික්‍රෝවේව් උදුනක් ද සවි කර ඇත. එබැවින් ගගනගාමීන්ට පෙරට වඩා ආහාර උණුසුම් කිරීමට වැඩි හැකියාවක් ලැබෙන අතර ඔවුන්ට අවශ්‍ය විටෙක උණුසුම් ආහාර ලබා ගත හැකි බව ද සඳහන්ය.

RECENT ARTICLES - SINHALA

අල්ලපු ගෙදරින් විදුලිය ගන්න ගිය පුද්ගලයෙක් මරුට

තම නිවසේ විදුලිය විසන්ධි විම නිසා යාබද නිවසකින් විදුලිය ලබා ගැනිමට ගිය පුද්ගලයෙකු විදුලි සැර වැදි අද (24) පස්වරුවේ මියගොස් ඇතැයි හිනිදුම පොලිසිය පවසනවා. මෙසේ...

දියතලාව – හපුතලේ මාර්ගය වැසේ

ගස් කඩා වැටීමේ අවදානම හේතුවෙන් දියතලාව – හපුතලේ මාර්ගය අද (24) රාත්‍රීයේ වසා දැමීමට තීරණය කර ඇති බව ආපදා කළමනාකරණ මධ්‍යස්ථානය සඳහන් කරනවා. ඒ අනුව,...

අල්ලස් ගත් විදුහල්පතිවරයෙක් අත්අඩංගුවට

දරුවන්ගේ උදෑසන ආහාර වේල සැපයීමේ කටයුත්ත කරගෙන යෑම සඳහා ආහාර වේල සැපයීමේ ටෙන්ඩරය ලබාගත් කාන්තාවගෙන් රුපියල් විදුහල්පති රුපියල් 30,000ක අල්ලසක් ලබාගන්නා අවස්ථාවේදී අල්ලස් කොමිසමේ...

POPULAR ARTICLES

පොලිස් කාන්තාවගේ වීඩියෝ එක ගැන පොලීසියෙන් ප්‍රකාශයක්

ලියාපදිංචි සහිතකය නොමැතිව මධ්‍යම පළාතේ පුද්ගලයෙකු හට අයිති වාහනයක් සබරගමුව පළාත තුළ ධාවනය කළ රියදුරෙකුට පොලිස් කාන්තාවක් දඩයක් නියම කරන අයුරු දැක්වෙන වීඩියෝවක් මේ...

පාසල් නිවාඩුව ගැන විශේෂ නිවේදනයක්

දිවයිනේ සියලුම පාසල්වලට හෙට (22) දින නිවාඩු දෙන බව සමාජ මාධ්‍ය ජාල හරහා ප්‍රචාරය වන නිවේදනය අසත්‍ය බව අධ්‍යාපන අමාත්‍යාංශය දැනුම් දෙනවා. අධ්‍යාපන අමාත්‍යංශය නිවේදනය...

වාහන ආනයනය ගැන සුබ ආරංචියක්

රටේ අවශ්‍යතාවය පරිදි ඉදිරියේදී වාහන ආනයනය කිරීමට සූදානම් බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා. රාජ්‍ය අමාත්‍යවරයා මාධ්‍ය වෙත අදහස් දක්වමින් පවසා සිටියේ, වාහන...