මත්ද්රව්ය ජාවාරම්කරුවකු හා සංවිධානාත්මක අපරාධකරුවෙකු වන සංජීව කුමාර නොහොත් ‘ගනේමුල්ලේ සංජීව’ගෙන් මේ වන විට සිදු කළ ප්රශ්න කිරීම්වලින් පසු පොලිසිය ටී-56 වර්ගයේ ගිනිඅවියක් සොයාගෙන තිබෙනවා.
අදාළ ගිනිඅවිය ගම්පහ ඇතුළු ප්රදේශ රැසක ඝාතනවලට යොදාගත් ගිනිඅවිය බවට මේ වනවිට අනාවරණය වී තිබෙන බව පොලිසිය පවසනවා.
බස්නාහිර උතුර භාර නියෝජ්ය පොලිස්පති රොහාන් ප්රේමරත්න මහතාගේ අධීක්ෂණය යටතේ ගණේමුල්ලේ සංජීව පිළිබඳ වැඩිදුර විමර්ශන සිදු කරනු ලබනවා.
මේ අතර, ගනේමුල්ල සංජීව සිදු කළ අපරාධ රැසක් ගම්පහ දිස්ත්රික්කය ආශ්රිත ව වාර්තා වන බැවින් ඔහු මේ වනවිට වීරඟුල පොලිසියේ රඳවා සිටින බවට වාර්තා වනවා.
කෙසේ වෙතත් ගනේමුල්ලේ සංජීව ත්රස්තවාදය වැළැක්වීමේ පනත යටතේ දින 90ක් රඳවාගෙන ප්රශ්න කිරීමට ආරක්ෂක අමාත්යාංශය පසුගියදා අවසර ලබාදී තිබුණා.