බෙලිඅත්තේ සිට මරදාන බලා ධාවනය වූ සීඝ්‍රගාමි දුම්රියේ කොස්ගොඩ, දූවෙමෝදර දුම්රිය හරස් මාර්ගයේදි අත්ටැක්ටරයක් ගැටීමෙන් පුද්ගලයෙකු මියගොස් තවත් අයෙකු බරපතල තුවාල ලබා තිබෙනවා.
ඊයේ (13) පස්වරුවේ සිදුව ඇති මෙම අනතුරින් මියගොස් ඇත්තේ ඉඳුරුව පදිංචි බෙන්තොට ප්‍රාදේශීය සභාවේ සේවකයෙකු වූ තිලක් කුමාරසිරි නැමැති තිදරු පියෙක්.
අනතුරින් ට්‍රැක්ටරයේ රියදුරා තුවාල ලබා බලපිටිය රෝහලට ඇතුලත් කර තිබෙන අතර පසුව ඔහු කරාපිටිය ශික්ෂණ රෝහල වෙත මාරු කර යවා තිබෙනවා.
ට්‍රැක්ටරයේ හතර දෙනෙකු ගමන් කර ඇති අතර දුම්රිය පැමිනෙනවාත් සමගම ට්‍රැක්ටරයේ පසුපස සිටි දෙදෙනා ඉන් ඉවතට පැන දිවි බේරාගෙන තිබෙනවා.
ප්‍රදේශවාසීන් පවසන්නේ ගේට්ටු රහිත වූ මෙම දුම්රිය හරස්මාර්ගයේ ස්වයංක්‍රීය සීනු හා විදුලි පහන් ඇතැම් අවස්ථාවලදි නිසි ලෙස ක්‍රියාත්මක නොවන බවයි.
