25.2 C
Colombo
Tuesday, March 5, 2024

රනිල්ට එරෙහි ගොවි විරෝධයක් ගැන අධිකරණයෙන් තීන්දුවක්

- Advertisement -

මිහින්තලේ ප්‍රදේශයේ ජල ව්‍යාපෘතියක් විවෘත කිරීම සදහා ජනාධිපතිවරයා මෙම මස 15 දින පැමිණෙන බැවින් එම අවස්ථාවේ ගොවීන් පිරිසක් සංවිධානය කර ඇති විරෝධතාව වලක්වාලමින් තහනම් නියෝගයක් නිකුත් කරන ලෙස මිහින්තලේ පොලිස් ස්ථානාධිපති රංජිත් චන්ද්‍රසිරි මහතා අනුරාධපුර අධිකරණයෙන් කළ ඉල්ලීම අතිරේක මහේස්ත්‍රත් රුද්‍රිකා ද සිල්වා හේවාවසම් මහත්මිය ඊයේ(12) තරයේ ප්‍රතික්ෂේප කර තිබෙනවා.

පොලිසිය අධිකරණයට කරුණු දක්වමින් පවසා තිබෙන්නේ ජල ව්‍යාපෘතියක් විවෘත කිරීම සදහා ජනාධිපතිවරයා මිහින්තලේ ප්‍රදේශයට පැමිණිමට නියමිත බවයි.

ජනාධිපතිවරයා එලෙස පැමිණෙන අවස්ථාවේ ගොවීන් පිරිසක් මිහින්තලේදී විරෝධතාවයක් පැවැත්වීමට සංවිධානය කර තිබෙන බවත් එළෙස ජනාධිපතිවරයා පැමිණෙන අවස්ථාවේ විරෝධතාවයක් පැවැතිය හොත් ජනාධිපතිවරයා ඇතුළු ප්‍රභූවරුන්ගේ ආරක්ෂාවට තර්ජනයක් විය හැකි බව අධිකරණය හමුවේ පවසා තිබෙනවා.

මෙම ජල ව්‍යාපෘතිය විවෘත කිරීමේ අවස්ථාවට ජපන් නියෝජිත පිරිසක් සහ තවත් ප්‍රභූන් රැසක් එක්වීමට නියමිත බවත් එම අවස්ථාවේ විරෝධතා පැවතිය හොත් ජාත්‍යාන්තරය ඉදිරියේ ශ්‍රි ලංකාව අපකීර්තියට පත් වන බව පොලිසිය පවසනවා.

තවද පොලිසිය අධිකරණයට කරුණු දක්වමින් සඳහන් කර තිබෙන්නේ විරෝධතාවක් පැවැතියහොත් යාපනය මහනුවර ප්‍රධාන මාර්ගයේ වාහන ගමනා ගමනයට දැඩි ලෙස බාධා එල්ල වන බවයි.

මෙම කරුණ සැළකිල්ලට ගෙන අදාළ විරෝධතා පැවැත්වීම වළකාලමින් අපරාධ නඩු විධාන සංග්‍රහයේ 106 වන වගන්තිය ප්‍රකාරව තහනම් නියෝගයක් නිකුත් කරන්නැයිද පොලිසිය අධිකරණයෙන් ඉල්ලා තිබුණා.

ශ්‍රි ලංකාව මේ වන විටත් ජාත්‍යාන්තරය ඉදිරියේ අපකීර්තියට පත්ව ඇති බැවින් මිහින්තලේ පොලිසිය ප්‍රභූවරුන් යැයි හඳුන්වන පිරිස් ඊට වගකිව යුතු බව මිහින්තලේ ජනතාවගේ අයිතිවාසිකම් වෙනුවෙන් පෙනී සිටි නීතිඥ භාග්‍ය ශ්‍රි හේරත් මහතා අධිකරණයට කරුණු දක්වමින් පවසා තිබෙනවා.

විරෝධතා පැවැත්වීමට ආන්ඩුක්‍රම ව්‍යාවස්ථාවෙන් මහජනතාවට හිමිකර දී ඇති අයිතිය අහුරා දැමීමේ අරමුණින් පොලිසිය කරන අනීතික ඉල්ලීම ප්‍රතික්ෂේප කරන ලෙස නීතිඥ භාග්‍ය ශ්‍රි හේරත් මහතා අධිකරණයෙන් ඉල්ලා තිබුණා.

ඒ අනුව දෙපාර්ශවයේ කරුණු දැක්වීම් සැළකිල්ලට ගත් අතිරේක මහේස්ත්‍රාත් රුද්‍රිකා ද සිල්වා හේවාවසම් මහත්මිය පොලිසිය කළ එම ඉල්ලීම තරයේ ප්‍රතික්ෂේප කළ බවට වාර්තා වනවා.

RECENT ARTICLES - SINHALA

Breaking: ඉන්ධන මිල සංශෝධනය කෙරේ

ලංකා ඛනිජ තෙල් නීතිගත සංස්ථාව විසින් අද(04) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබෙනවා. ඒ අනුව ලංකා පෙට්‍රල් ඔක්ටේන් 95 ලීටරයක...

ගූගල් මැප් එක බලාගෙන අරලියගහ මන්දිරයට පැනලා

ගුගල් සිතියම උපයෝගී කරගෙන අරලියගහ මන්දිරයට තාප්පයෙන් පැන අනවසරයෙන් ඇතුළු වූ පුද්ගලයන් දෙදෙනෙකු අත්අඩංගුවට ගත් බව කොල්ලුපිටිය පොලිසිය පවසනවා. මෙලෙස අත්අඩංගුවට ගෙන ඇත්තේ මෘදුකාංග ඉංජිනේරුවරයෙකු...

ඊළඟ අවුරුද්දෙත් තියෙන්නේ මේ ආණ්ඩුවම තමයි – රනිල්

ලබන වසරේත් රටේ පවතින්නේ වත්මන් ආණ්ඩුවම බව ජනාධිපති රනිල් වික්‍රමසිංහ පවසනවා. ඔහු මෙම අදහස් පළ කළේ, ගම්පහ දිස්ත්‍රික්කයේ සංවර්ධන කටයුතු පිළිබද අද (04) ජනාධිපති...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...