සංචරණ සීමා ක්‍රියාත්මක වන කාලය තුළ බස්නාහිර පළාතෙන් පිට ගම් සහ නගරවල සති පොළක් පැවැත්වීමට අවසර දී තිබෙන බව යුද හමුදාපති ජනරාල් ශවේන්ද්‍ර සිල්වා මහතා කියා පවසයි.
යුද හමුදාපතිවරයා මේ බව සඳහන් කළේ සංචරණ සීමා දීර්ඝ කිරීම ගැන විශේෂ ප්‍රකාශයක් නිකුත් කරමින්.
ජනතාව විශාල වශයෙන් එක්රැස් කර නොගෙන එම සති පොළ පැවැත්විය යුතු බවයි යුද හමුදාපතිවරයා සඳහන් කරන්නේ.
එමෙන්ම එළඹෙන සතියේ ආර්ථික මධ්‍යස්ථාන දින දෙකක් විවෘත කිරීමටද සූදානමින් පසුවන අතර එම දින ඉදිරියේදී දැනුම් දෙන බවද හෙතෙම සඳහන් කරයි.
සංචරණ සිමා ලබන 21 වැනිදා දක්වා දීර්ඝ අකර ඇති හෙයින් දැනට ක්‍රියාත්මක වන පරිදි අත්‍යවශ්‍ය සේවා පවත්වාගෙන යාම,ජංගම සේවා පවත්වාගෙන යාම,ප්‍රධාන ඉදිකිරීම් ස්ථානවල එම ඉදිකිරීම් කරගෙන යාම,කෘෂිකර්මාන්ත කටයුතු, කාබනික පොහොර නිෂ්පාදන කටයුතු ආදිය සිදුකරගෙන යා හැකිවේ.
