කළුතර ලැඟුම් හලක පස්වෙනි මහලින් වැටී අභිරහස් ලෙස මියගිය 16 හැවිරිදි සිසුවියගේ මරණය සම්බන්ධයෙන් සිදුකරන විමර්ශනවලට අදාළව කාන්තාවක අද (11) අත්අඩංගුවට ගෙන තිබෙනවා.
ජාතික හැඳුනුම්පත නිසි පරීක්ෂාවකින් තොරව අනන්‍යතාව තහවුරුව කරගැනීමක් සිදුනොකර බාලවයස්කාර දැරියකට ලිංගික ප්‍රයෝජන ලබාගැනීම සඳහා පරිශ්‍රය ලබාදීමේ වරදට සැකකාරියව අත්අඩංගුවට ගෙන තිබෙන බවයි සඳහන් වන්නේ.
මෙසේ අත්අඩංගුවට ගෙන ඇත්තේ කළුතර, කටුකුරුන්ද ප්‍රදේශයේ පදිංචි 48 හැවිරිදි අදාළ ලැගුම්හල පවත්වාගෙන යන හිමිකරුගේ බිරිඳව බව පොලීසිය පවසනවා.
සැකකාර කාන්තාව එදින ලැගුම්හලේ සේවය කරමින් සිට ඇති අතර, වෙනත් වැඩිහිටි තරුණියකගේ හැඳුනුම්පතක් ලබාගෙන මියගොස් ඇති පාසල් සිසුවිය ලැගුම්හට ඇතුළත් කරගෙන ඇති බව සඳහන්.
සැකකාරිය අද කළුතර මහෙස්ත්‍රාත් අධිකරණයට ඉදිරිපත් කිරීමට නියමිතයි.
