33 C
Colombo
Thursday, April 18, 2024

ඇමති ප්‍රසන්න වෙනුවෙන් අරුම පුදුම Fact Check එකක්

- Advertisement -

සංචාරක අමාත්‍ය ප්‍රසන්න රණතුංග මහතා විසින් පසුගිය 12 වැනිදා වතුපිටිවල රෝහලේ තාවකාලික කොවිඩ් වාට්ටුව විවෘත කිරීමේ උත්සවය පිළිබදව, ෆේස්බුක් සමාජ මාධ්‍යයෙහි පලවන තොරතුරු පිළිබද නිරවද්‍යතාවය පිරික්සන ආයතනයක් වන Factcrescendo – Sri Lanka ආයතනය අපූරු තොරතුරු තහවුරු කරගැනීමක් පලකර තිබෙනවා.

ඊට අනුව අමාත්‍ය ප්‍රසන්න රණතුංග මහතා වතුපිටිවල රෝහලේ කොවිඩ් වාට්ටුව විවෘත කලද ඒ සඳහා කිසිදු උත්සවයක් නොපැවැත්වූ බවයි ඔවුන් තහවුරු කර ඇත්තේ.

ඒ පිළිබදව අදාළ ආයතනය වතුපිටිවල රෝහලේ නියෝජ්‍ය අධ්‍යක්ෂ වෛද්‍ය චින්තක මහතාගෙන් විමසා ඇති අතර ඔහු එහිදී සදහන් කර ඇත්තේ රෝහල් කාර්ය මණ්ඩලය විසින් පීත්ත පටිය කැපීමට, පොල්තෙල් පහන දැල්වීමට සහ රෝහල් කාර්ය මණ්ඩලය වෙත ප්‍රාදේශීය සහා මන්ත්‍රීවරුන්ට ආමන්ත්‍රණය කිරීම සඳහා කටයුතු පමණක් සූදානම් කර තිබුනත් එය විවෘත කිරීමේ උත්සවයක් නොවන බවයි.

හාස්‍යයට තුඩුදෙන කාරණය නම් ඇමතිවරයෙක් පීත්ත පටියක් කපා, පොල්තෙල් පහනත් දල්වා ප්‍රාදේශීය මන්ත්‍රීවරුන්ට රෝහල් කාර්ය මණ්ඩලයද අමතන්නට අවස්ථාවදීම උත්සවයක් ලෙස නොදැකීමයි.

එවන් අවස්ථාවන්වලට භාවිතා කරන වෙනත් නමක් තිබේදැයි කියා හෝ Factcrescendo – Sri Lanka ආයතනය රෝහල් නියෝජ්‍ය අධ්‍යක්ෂ්‍යවරයාගෙන් නොවිමසීම පුදුම සහගත කරුණක්.

එම ලිපියේ තවත් අපූරු අහඹු සිදුවීමක් පිළිබදවද වාර්තා වනවා.

ඊට අනුව Factcrescendo – Sri Lanka ආයතනය සංචාරක අමාත්‍යාංශයෙන් අදාළ විවෘත කිරීම පිළිබදව විමසා තිබෙනවා. (විමසූ වගකිව යුතු පුද්ගලයා පිළිබදව හෝ ඔහුගේ තනතුර පිළිබදව එහි සඳහන්වන්නේ නැහැ)

එහිදී සංචාරක අමාත්‍යාංශය සඳහන් කර ඇත්තේ මිනුවන්ගොඩ, මීරිගම යන රෝහල්වල තාවකාලික කොවිඩ් මධ්‍යස්ථාන නිමවා එම රෝහල්වල අධ්‍යක්ෂකවරුන්ට ලිපියකින් එහි අයිතිය භාරදුන් අතර වතුපිටිවල රෝහලට අමාත්‍යවරයා අධීක්ෂණයට හා එම ලිපිය භාරදීමට ගිය බවයි.

එම අවස්ථාවේ කාර්ය මණ්ඩලය විසින් කොවිඩ් මධ්‍යස්ථානය විවෘත කිරීම සඳහා පීත්ත පටියක් කැපීමට හා පොල්තෙල් පහන දැල්වීමට පමණක් කටයුතු යොදා තිබුණු බවත් එය ප්‍රතික්ෂේප කිරීමට අමාත්‍යවරයාට හේතුවක් නොතිබුණු හෙයින් ඒ අනුව කටයතු කළ බවත් සංචාරක අමාත්‍යංශය සදහන් කර තිබෙනවා.

එමෙන්ම අමාත්‍යාංශය විසින් මෙම අවස්ථාව සූදානම් නොකළ බවට ඔවුන් අවධාරණය කළ බවත් මීට පෙර තාවකාලික ප්‍රතිකාර මධ්‍යස්ථාන භාරදුන් අවස්ථාවේද මෙවන් විවෘත කිරීම් අමාත්‍යාංශය විසින් සිදු නොකළ බවත් සංචාරක අමාත්‍යාංශය (නමක් හෝ තනතුරක් නොමැති) පැවසූ බවයි.

අපූරු අහඹු සිදුවීමක් ලෙස බැලූ බැල්මටම පෙනෙන මෙම සිදුවීම පිළිබදව විශ්වාසය පලකර එය තොරතුරු තහවුරු කිරීමක් ලෙස Factcrescendo – Sri Lanka ආයතනය පලකිරීම අතිශයින්ම කණගාටුවට කරුණක්.

මෙම උත්සවය සංවිධානය කිරීමේ වගකීම යන්නේ ප්‍රසන්න රණතුංග මහතාගේ අමාත්‍යාංශයට නොව, රෝහලට බව වක්‍රාකාර ලෙස හැඟවීමක්ද මෙමගින් සිදුකර තිබෙනවා.

මෙය උත්සවයක් නොවන්නේ නම් අමාත්‍යවරයාට හා ප්‍රාදේශිය මන්ත්‍රීවරුන්ට රොහල් කාර්ය මණ්ඩලය ඇමතීම සඳහා ස්පීකර් සහිත මයික්‍රොෆ්‍රෝනයක් පවා සූදානම් කර තිබුනේ ඇයිදැයි ප්‍රශ්න කිරීමට තරම් ඔවුන් මධ්‍යස්ථ නොවීම පුදුම සහගත වනවා.

ඒ අනුව එම ලිපියෙහි අවසාන නිගමනය ලෙස සටහන් කර තිබුනේ සංචාරක අමාත්‍යාංශයේ අධීක්ෂණය යටතේ නිම වූ වතුපිටිවල රෝහල් හදිසි ප්‍රතිකාර මධ්‍යස්ථානය සෞඛ්‍ය අංශයට භාරදීම පිළිබඳ අයත් ලිපිය අමාත්‍ය ප්‍රසන්න රණතුංග මහතා ලබාදීමට ගිය අවස්ථාවේ වතුපිටිවල රෝහල් කාර්ය මණ්ඩලය විසින් අමාත්‍යවරයාට පීත්ත පටිය කපා, පොල්තෙල් පහන දැල්වීමට සූදානම් කර තිබු අවස්ථාවේ දර්ශන සමාජ මාධ්‍ය ඔස්සේ වැරදි අර්ථකථනයක් යටතේ හුවමාරු වී ඇති බව පෙනී යනබවයි.

අමාත්‍යවරයා පවා පැහැදිලි කිරීමේ හෝ නිවැරදි කිරීමේ මාධ්‍ය නිවේදනයක් නිකුත් කර නොතිබූ පරිසරයක් තුළ Factcrescendo – Sri Lanka ආයතනය මැදිහත් වී අමාත්‍යවරයා වෙනුවෙන් මෙම සද්කාර්ය සිදුකිරීම හරහා ෆේස්බුක් පරිශීලකයන් හට සිදුවන හානිය පිළිබදව ෆේස්බුක් පරිශීලකයන් වඩාත් සැළකිලිමත් විය යුතු වනවා.

මන්ද ෆේස්බුක් සමාජ මාධ්‍යයෙහි පලවන තොරතුරු පිළිබද නිරවද්‍යතාවය පිරික්සා (Fact Check) ඒ පිළිබදව ෆේස්බුක් ආයතනයට වාර්තා කරන එහෙත් වඩාත් නිවැරදි හෝ සමබර නොවන තොරතුරු ඇතුළත් වන මෙවැනි ලිපි තුළින් ෆේස්බුක් පරිශීලකයන්ගේ ගිණුම් වාර්තාවීමේ (Report) අවධානමක් පැවතීමයි.

Factcrescendo – Sri Lanka ආයතනය පලකල ඇමති ප්‍රසන්නගේ ලිපිය පහතින්,

RECENT ARTICLES - SINHALA

පාස්කු ප්‍රහාරයෙන් ජීවිත අහිමි වුවන් සිහි කරමින් විනාඩි දෙකක නිශ්ශබ්දතාවයක්

පාස්තු දින ත්‍රස්ත ප්‍රහාරයට වසර පහක් සම්පූර්ණ වන අවස්ථාවේදී එම විනාශකාරී ප්‍රහාරයෙන් මියගිය සියලු දෙනාට පිං අනුමෝදන් කිරීමට ලබන ඉරිදා (21) පෙරවරු 8.45 ට...

පරිසරයට හානි කරනවානම් මේ අංකයට කියන්න

පාරිසරික වැරදි සම්බන්ධව යම් තොරතුරක් වෙතොත් 1997 හෝ 1981 යන කෙටි දුරකථන අංක ඔස්සේ දැනුවත් කරන ලෙස පොලීසිය මහජනතාවගෙන් ඉල්ලා සිටිනවා. පරිසරය විනාශ කිරීම් සම්බන්ධව...

අවුරුදු ගීතය නිසා සුරාබදු නියාමකගේ වැඩ තහනම්

ගායන ශිල්පී රෝහණ බැද්දගේ මහතාගේ අවුරුදු ගීතයක් විකෘති කළ බවට අත්අඩංගුවට ගෙන රක්ෂිත බන්ධනාගාර ගතකළ සුරාබදු නියාමකවරයාගේ වැඩ තහනම් කිරීමට සුරාබදු දෙපාර්තමේන්තුව ඊයේ (17)...

POPULAR ARTICLES

සාමාන්‍ය පෙළ සිසුන්ට විශේෂ දැනුම් දීමක්

2023 /24 අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටින සිසුන් සඳහා විභාග ප්‍රවේශ පත්‍ර නිකුත් කිරීම ලබන සතියේ ආරම්භ කරන බව විභාග...

අද ඩොලරය

එක්සත් ජනපද ඩොලරයට සාපේක්ෂව ශ්‍රී ලංකා රුපියල අද (15) ස්ථාවර මට්ටමක පවතිනවා. ශ්‍රී ලංකා මහ බැංකුව විසින් අද දින නිකුත් කරන ලද දෛනික විනිමය අනුපාතික...

සෞඛ්‍ය අංශවලින් දැනුම් දීමක්

උත්සව සමයේ සෞඛ්‍ය කාර්ය මණ්ඩලවල පූර්ණ කැපවීම හා දායකත්වය යටතේ රෝගී සත්කාරක සේවා කාර්යක්ෂමව හා අඛණ්ඩව පවත්වාගෙන යාම සඳහා පියවර ගෙන ඇති බව සෞඛ්‍ය...