උතුරු පකිස්තානයේ බලුකිස්තාන ආශ්‍රිත පුද්ගල පැහැරගෙනයාම් සහ අතුරුදන්වීම් කැපී පෙනෙන ලෙස ඉහළ ගොස් ඇතැයි වාර්තා වේ.
බලුකිස්තාන අතුරුදන්වූවන්ගේ කොමිසම උපුටා දක්වමින් එරට මාධ්‍ය වාර්තා කර ඇත්තේ 2011 ජූනි සිට 2021 ජූනි දක්වා වන දශකයක කාලය තුළ පුද්ගලයන් 1482ක් පමණ බලහත්කාරයෙන් පැහැරගෙන ගොස් ඇති බවයි.
ඉන් 956 දෙනෙකු පසුව සොයාගෙන ඇති අතර 31 දෙනෙකුගේ මළසිරුරු හමුව ඇතැයි සදහන් වේ.
එරට මාධ්‍ය වාර්තා කළේ, 11 දෙනෙකු සිරගත කර තිබියදී සොයාගෙන ඇති බවයි.
කෙසේවෙතත් පැහැරගෙන ගිය පුද්ගලයන් අතරින් 334 දෙනෙකු පිළිබද මෙතෙක් කිසිදු තොරතුරක් වාර්තා වී නොමැති බව පකිස්තාන මාධ්‍ය වැඩිදුරටත් වාර්තා කර තිබේ.
මෙම පැහැරගෙනයාම් සදහා පකිස්තාන රජය සහ ආරක්ෂක අංශ වගකිවයුතු බව බලුකිස්තාන අතුරුදන්වූවන් පිළිබද කටයුතු කරන ක්‍රියාකාරී පවසති.
