මතුපිටින් විවිධ ගැටුම් පවතින බවට ප්‍රකාශ කරමින් තලේබාන් සංවිධානය සෙසු ඉස්ලාම් අන්තවාදී ත්‍රස්තවාදී කණ්ඩායම් සමග දැඩි සමීප සබදතා පවත්වන බව අනාවරණය වී තිබේ.
මෙම තොරතුරු අනාවරණය කර ඇත්තේ ඇෆ්ගනිස්තාන විසින් එක්සත් ජාතීන්ගේ සංවිධානය වෙත භාර දී ඇති වාර්තාවක් මගිනි.
මෙම වාර්තාවට අනුව තලේබාන් සංවිධානය , අයිඑස්අයිඑස්, අල්කයිඩා සහ අයිඑස්අයිඑල් වැනි ත්‍රස්තවාදී සංවිධාන සමග සමීප සබදතා පවත්වන ලබයි.
විශේෂයෙන් පකිස්තානය කේන්ද්‍රකරගත් ත්‍රස්තවාදී සංවිධාන ශාඛා හරහා ඇෆ්ගනිස්තාන තලේබාන් සංවිධානය සමග මෙසේ සමීප සබදතා පවත්වන බව සදහන් වේ.
තම රටට එරෙහි අන්තවාදී ඉස්ලාම් සංවිධානවලට සහය පළ කිරීම සම්බන්ධයෙන් පකිස්තානයට ඇෆ්ගනිස්තානය විසින් අවස්ථා ගණනාවකදීම දෝෂාරෝපණය කර තිබේ.
