පකිස්තානයේ සිටින සිය තාතාපතිවරයා ඇතුළු ඉහළ පෙළේ රාජ්‍ය තාන්ත්‍රිකයන් යළි සියරට කැදවීමට ඇෆ්ගනිස්තානය කටයුතු කර තිබේ.
ඒ පකිස්තානයේ ඇෆ්ගනිස්තාන තානාපති නජීබ් අලික්හිල්ගේ දියණිය ඉස්ලාමාබාද් අගනුවරදී පැහැරගෙන යාමට විරෝධය පළකිරීමක් ලෙසයි.
කිසියම් පිරිසක් විසින් පැහැරගෙන ගිය තානාපති දියණිය වන සිල්සිලා අලික්හිල් පැය කිහිපයකට පසුව නිදහස් කළත් එහිදී ඇය වධහිංසාවට ලක් කර තිබිණ.
ඒ හේතුවෙන් ඇය තවමත් රෝහල්ගතව ප්‍රතිකාර ලබන බව විදෙස් මාධ්‍ය වාර්තා කර තිබේ.
පකිස්තාන අභ්‍යන්තර කටයුතු අමාත්‍ය ෂෙයික් රෂීඩ් මෙම සිදුවීම ප්‍රතික්ෂේප කළත් එරට විදේශ අමාත්‍යාංශය සිදුවීම සනාථ කරමින් වැඩිදුරටත් ප්‍රකාශ කළේ වාහනයකින් ගමන් ගනිමින් සිටියදී තානාපති දියණිය මෙම සිදුවීමට මුහුණ දී ඇති බවයි.
මෙි සම්බන්ධයෙන් වැඩිදුරටත් පරීක්ෂණ පවත්වන බවද පකිස්තාන විදේශ අමාත්‍යාංශය සදහන් කර තිබිණ.
මෙි අතර කාබුල්හි සිටින පකිස්තාන තානාපති මන්සූර් අහමඩ් ඛාන් කැදවූ ඇෆ්ගනිස්තාන විදේශ අමාත්‍යාංශය මෙම සිදුවීම සමිබන්ධයෙන් සිය දැඩි විරෝධය පළ කර ඇති බවද විදෙස් මාධ්‍ය වාර්තා කර තිබේ.
