2023 ආසියානු තරගාවලියේ සුපිරි 4 දෙනාගේ වටයේ අවසාන තරගය ශ්රී ලංකා කණ්ඩායම හා පාකිස්ථානු කණ්ඩායම අතර ඊයේ (14) පස්වරුවේ ආර්. ප්රේමදාස පිටියේදී පැවැත්වුණා.
තරගයට වර්ෂාවෙන් බාධා පැමිණිම නිසා පන්දුවාර 42කට තරඟය සීමා කර තිබුණා.
කාසියේ වාසිය දිනා ගැනීමට පාකිස්ථානු නායක බාබර් අසාම් සමත්වු අතර පළමුව පන්දුවට පහර දීමට ඔහු තීරණය කළා.
ඒ අනුව පළමුව පන්දුවට පහර දුන් පාකිස්ථාන කණ්ඩායම පන්දු ඕවර 42 දී කඩුලු 7ක් දැවී ලකුණු 252 ක් ලබා ගත්තා.
එහිදී පකිස්ථාන කණ්ඩායම වෙනුවෙන් Mohammad Rizwan ලකුණු 86කින් පාකිස්තාන ලකුණු පුවරුව ශක්තිමත් කළා.
ඔහුගේ ඉනිමට හයේ පහර 2ක් සහ හතරේ පහර 6ක් ඇතුළත්.
පාකිස්තානය වෙනුවෙන් හයේ පහර 2ක් සහ හතරේ පහර 3ක් සමග පන්දු 69කදී ලකුණු 52ක් රැස්කරගැනීමට Abdullah Shafique සමත්වුණා.
පන්දු යැවීමේදී මතීෂ පතිරණ ලකුණු 65කට කඩුලු 3ක් දවාගැනීමට සමත්වු අතර ප්රමෝද් මධුශාන් ලකුණු 58කට කඩුලු 2ක් දවාගත්තා.
පිළිතුරු ඉනිම ක්රීඩා කිරීමට පන්දුවට පහරදීමට පිටියට පැමිණි ශ්රී ලංකා කණ්ඩායම පන්දු ඕවර 42 දී කඩුලු 8 ක් ක් දැවී ලකුණු 253 ක් ලබා ගැනිමට සමත් වුණා.
ඩක්වත් ලුවිස් නයායට අනුව අද ශ්රි ලංකා කණ්ඩාමයම හා පාකිස්ථාන කණ්ඩායම අතර පැවති සුපිරි 4 දෙනාගේ වටයෙ තරගයෙන් ශ්රී ලංකා කණ්ඩායම කඩුලු 2 කින් කින් ජයග්රහණය කිරිමත් සමඟ එළෙඹෙන 17 වැනිදා ඉන්දීය කණ්ඩායම සමග පැවැත්වෙන ආසියානු කුසලාන අවසාන මහා තරගයට ශ්රී ලංකා කණ්ඩායම කණ්ඩායම සුදුසුකම් ලැබුවා.
ශ්රීලංකා කණ්ඩායම වෙනුවෙන් ආරම්භක පිතිකරු පැතුම් නිස්සංක ලකුණු 29 ක් ලබා ගත්තා.
එහිදී අගනා ඉනිමක් ක්රීඩා කළ කුසල් මෙන්ඩිස් ශ්රී ලංකාව ජයග්රහණයේ මාවතට ගෙන එමින් ලකුණු 91ක් රැස්කර ගැනීමට සමත්වු අතර පන්දු 87ක් තුළ ගොඩනැගූ ඔහුගේ ඉනිමට හයේ පහරක් සහ හතරේ පහර 8ක් ඇතුළත්.
මෙන්ඩිස්ට අගනා සහායක් ලබාදුන් සධීර සමරවික්රම පන්දු 51කදී හතරේ පහර 4ක් සමග ලකුණු 48ක් රැස්කළා.
පන්දු යැවීමේදී Shaheen Shah Afridi කඩුලු 02, Shadab Khan කඩුලු 01 යි, Iftikhar Ahmed කඩුලු 03 ක් ලබා ගත්තා.
