24 C
Colombo
Tuesday, March 5, 2024

ඓශ්වර්යා ලෝක රූ රැජිණ වී වසර 26 ක්

- Advertisement -

වසර 26කට පෙර 1994 වසරේ අද වැනි දවසකදී ඓශ්වර්යා රායි ලෝක රු රැජින ලෙස කිරුළු පැළදීමට තරම් වාසනාවන්ත වුණා. එය කෙතරම් වාසනාවක්ද යත් 1965 වසරෙන් පසුව ඉන්දියාවට එම කිරුළ ලැබූ පළමු අවස්ථාව එයයි.

1991 වසරේ ඓශ්වර්යා අධ්‍යාපනය ලැබූ පාසලේ ගුරුවරියක් විසින් ඇයගේ ඡායාරූපයක් පාසලේ සඟරාවක පළකර තිබෙනවා. පසුව ඇයව මෝස්‌තර නිරුපන ශිල්පය ඉගෙන ගැනීම සදහා යොමුකෙරුණා. ඉන්පසුව 1993 වසරේදී FORD ආයතනය සංවිධානය කරන ලද International Supermodel තරඟයේදී ඉන්දියාව නියෝජනය කරමින් ඓශ්වර්යා ජයග්‍රහණය කළා. අනතුරුව අමීර් ඛාන්, මහීමා චෞද්රි සමගින් රඟපෑ Pepsi ආයතනයේ දැන්වීමක් සමඟින් ඇය ඉන්දියාව තුළ බොහෝ දෙනෙක් දැනහදුනාගත්තා. එම දැන්වීම තුළ ඇය පැවසූ “Hi, I’m Sanjana” දෙබස බොහෝ සෙයින් ජනප්‍රියත්වයට පත්වුණා.

පසුව Femina ආයතනය විසින් ඓශ්වර්යා රායි හට මිස් ඉන්දීයා තරඟයට තරඟ වදින ලෙස ඇරයුම් කර තිබෙනවා. මෙම කිරුළ ඉන්දියාවට ලබාගැනීමට Femina ආයතනය සිදුකල මෙහෙයද ඉතාමත් අගය කල යුත්තක්. 90 දශකයේ සිට ‍Femina සඟරාව මගින් රූමත් , අධ්‍යාපන මට්ටමින් ඉහල සහ උස අඩි 5 අඟල් 6ට වැඩි තරුණියන් ඉන්දීය රූ රැජිණ තරඟයට තරඟ වැදීමට උනන්දුකර තිබෙනවා. නිල් සහ කොළ ඇස් ඇති අඩි 5ත් අඟල් 7ක් උස ඓශ්වර්යා රායි, මිස් ඉන්දීයා තරඟයට ඉදිරිපත්වීම නිසා බොහෝ නිරුපන ශිල්පිනියන් 1994 වසර මගහැර මීළඟ වසරේදී එම තරඟයට සහභාගීවන බව පවසා ඉන් ඉවත්ව තිබෙනවා. ඒ අනුව පැවති තරඟයේදී එවකට ගෘහ නිර්මාණ ශිල්පිනියක් ලෙස රුපරෙල් විශ්ව විද්‍යාලයේ 3වන වසරේ සිසුවියක්ව සිටි ඓශ්වර්යා රායි Femina මිස් ඉන්දියා තරගයේ දෙවන ස්ථානය දිනාගනිමින් ලෝක රු රැජිණ තරඟයට සුදුසුකම් ලබනවා. මෙම තරඟයේදී පළමු ස්ථානය දිනාගත්තේ සුශ්මිතා සෙන් විසින්. සුශ්මිතා සෙන් මෑතකදී පවසා තිබුනේ ඇයත් ඓශ්වර්යා මෙම තරඟයට සහභාගි වන බව දැනගත් නිසා ඉන් ඉවත්වීමට සූදානම්ව සිටියත් ඇයගේ මවගේ බලකිරීම හේතුවෙන් අවසානයේ ඇය එම තරගයට සහභාගි වූ බවයි. අවසාන වටයේදී දෙදෙනාම සම ලකුණු ලබා තිබු නිසා විනිශ්චය මණ්ඩලය විසින් ඇසු අවසාන ප්‍රශ්නයේදී සුශ්මිතාට වැඩි ලකුණු හිමි උනා. පසුව තරඟයෙන් ප්‍රථම ස්ථානය ලබාගත් සුෂ්මිතා සෙන් විශ්ව රූ රැජිණ (Miss Universe) තරඟයටත් ඓශ්වර්යා රායි මිස් වර්ල්ඩ් (Miss world) තරඟයටත් සහභාගී වුණා.

එම තරඟාවලි දෙකම උඩුයටිකුරු කරමින්, ඉන්දියාව ලෝකයේ අතිශය ජනප්‍රියත්වයටත් කාගේත් කතාබහටත් ලක්කරමින් 1994 වසරේ දකුණු අප්‍රිකාවේ පැවති Miss world තරඟයෙන් ඓශ්වර්යා රායි ලෝක රූ රැජිණ ලෙස කිරුළ දිනාගද්දී ඊට මාස 6 කට පෙර 1994 මැයි මාසයේ පිලීපීනයේ පැවති Miss Universe තරඟයෙන් සුශ්මිතා සෙන් විශ්ව රූ රැජිණ ලෙස කිරුළු පැළදුවා.

RECENT ARTICLES - SINHALA

Breaking: ඉන්ධන මිල සංශෝධනය කෙරේ

ලංකා ඛනිජ තෙල් නීතිගත සංස්ථාව විසින් අද(04) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල සංශෝධනය කර තිබෙනවා. ඒ අනුව ලංකා පෙට්‍රල් ඔක්ටේන් 95 ලීටරයක...

ගූගල් මැප් එක බලාගෙන අරලියගහ මන්දිරයට පැනලා

ගුගල් සිතියම උපයෝගී කරගෙන අරලියගහ මන්දිරයට තාප්පයෙන් පැන අනවසරයෙන් ඇතුළු වූ පුද්ගලයන් දෙදෙනෙකු අත්අඩංගුවට ගත් බව කොල්ලුපිටිය පොලිසිය පවසනවා. මෙලෙස අත්අඩංගුවට ගෙන ඇත්තේ මෘදුකාංග ඉංජිනේරුවරයෙකු...

ඊළඟ අවුරුද්දෙත් තියෙන්නේ මේ ආණ්ඩුවම තමයි – රනිල්

ලබන වසරේත් රටේ පවතින්නේ වත්මන් ආණ්ඩුවම බව ජනාධිපති රනිල් වික්‍රමසිංහ පවසනවා. ඔහු මෙම අදහස් පළ කළේ, ගම්පහ දිස්ත්‍රික්කයේ සංවර්ධන කටයුතු පිළිබද අද (04) ජනාධිපති...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...