27 C
Colombo
Saturday, May 25, 2024

මරණ දඩුවම හිමිවූවන්ගේ දඩුවම් කාලය වසර 20 කට අඩු වෙනවා – ලොහාන් රත්වත්තේ

- Advertisement -

‘සිව් අවුරුදු සමාව ලබාදීම’ (The four-year pardon) වෙනුවෙන් අධිකරණ අමාත්‍යාංශය කැබිනට් මණ්ඩලයට පත්‍රිකාවක් ඉදිරිපත් කර ඇති අතර, එය අනුමත වුවහොත් දඩුවම් කාලය වසර 20 කට වඩා ගෙවා ඇති සිරකරුවන් නිදහස් වන බවත්, මරණ දඩුවම හිමිවූවන්ගේ දඩුවම් කාලය වසර 20 කට අඩුවන බව බන්ධනාගාර ප්‍රතිසංස්කරණ හා සිරකරුවන්ගේ පුනරුත්ථාපන රාජ්‍ය අමාත්‍ය ලොහාන් රත්වත්තේ ප්‍රකාශ කර සිටිනවා.

‘සිව් අවුරුදු සමාව ලබාදීම’ වසර 40 ක් තුළ ක්‍රියාත්මක වී නොමැති බවයි අධිකරණ අමාත්‍යාංශයේ උපදේශක කාරක සභාවේ හමුවේදී ඔහු කියා සිටියේ.

බන්ධනාගාර ගතව සිටින රැඳවියන් අවම වශයෙන් 8,000 ක් පමණ කඩිනමින් නිදහස් කිරීමට කටයුතු කරන බවත් වැඩිවෙමින් පවතින සිරකරුවන්ගේ සංඛ්‍යාව සැලකිල්ලට ගනිමින් බන්ධනාගාර තදබදය අවම කිරීම වෙනුවෙන් මෙම පියවර අනුගමනය කරන බවයි අමාත්‍යවරයා පැවසුවේ.

අධිකරණ අමාත්‍ය අලි සබ්‍ර්රි මහතාගේ ප්‍රධානත්වයෙන් පසුගිය 05 වැනි දා පාර්ලිමේන්තු සංකිර්ණයේ දි කාරක සභාව රැස් විය.

මේ වන විට රට පුරා බන්ධනාගාර 28 ක රැඳවියන් 28, 951 ක් සිටින බව පෙන්වා දුන් රාජ්‍ය අමාත්‍යවරයා ඒ අනුව, COVID තත්ත්වය සැලකිල්ලට ගෙන සමාව ලබා දිය හැකි රැඳවියන් නිදහස් කරන ලෙස ජනාධිපති ගෝඨාභය රාජපක්ෂ මහතා උපදෙස් දී ඇති බව ද රාජ්‍ය අමාත්‍යවරයා මෙහිදී ප්‍රකාශ කර සිටියේ.

සුළු ඇප මුදල් ගෙවීමට නොහැකිවීම හේතුවෙන් බන්ධනාගාර ගතව සිටින රැඳවියන්ගේ ඇප මුදල් අමාත්‍යාංශය මූලික වී ගෙවා ඔවුන් නිදහස් කිරීමේ වැඩපිළිවෙලක් ක්‍රියාත්මක කිරීමට බලාපොරොත්තු වන බව රාජ්‍ය අමාත්‍යවරයා පවසනවා.

බන්ධනාගාර කොමසාරිස් ජනරාල් තුෂාර උපුල්දෙණිය කාරක සභාවේ දී පැවසුවේ මත්ද්‍රව්‍ය සම්බන්ධ අපරාධ සම්බන්ධයෙන් රැඳවියන් 10,500 ක් පමණ බන්ධනාගරගතව සිටින බවත් ඉන් 8500 ක් හෙරොයින් සම්බන්ධ වැරදිවලට වරදකරුවන් වූවන් බවයි.

මත්ද්‍රව්‍ය සම්බන්ධයෙන් සිරකරුවන් රඳවා තබා ගැනීමට වඩා පුනරුත්ථාපනය කිරීමේ වැදගත්කම අධිකරණ අමාත්‍ය අලි සබ්රිමෙහි දී පෙන්වා දුන්නා. බොහෝ අවස්ථාවලදී වරදකරුවන් කරනු ලබන්නේ මත්ද්‍රව්‍ය ජාවාරම්කරුවන් නොව මත්ද්‍රව්‍ය භාවිතයට ගොදුරු වූ අය බවයි මෙහිදී අමාත්‍යවරයා වැඩිදුරටත් සඳහන් කරන්නේ.

මහර බන්ධනාගාරයේ ඇතිවු සිද්ධිය මේ වන විට සම්පූර්ණයෙන්ම පාලනය කර ඇති බවත් රැඳවියන් 100 කගේ පමණ ප්‍රතිදේහජනක පරීක්ෂණ සිදු කර ඇති බවත්, රාජ්‍ය අමාත්‍ය ලොහාන් රත්වත්තේ සඳහන් කර සිටියා. ඉන් 29 ක් පමණක් කොවිඩ් 19 ධනාත්මක බවත්, ඉතිරි අයගේ PCR වාර්තා ලැබීමෙන් පසු මුදා හරිනු හැරීමට අවශ්‍ය ක්‍රියාමාර්ග ගන්නා බවයි ඔහු සඳහන් කර සිටින්නේ.

මවුපියන් දෙදෙනාම අහිමි වූ ළමයින්, රිමාන්ඩ් කරන ලද ළමයින් සහ වැරදිකරුවන් වී ඇති ළමයින් එකම අනාථ නිවාසයක ජීවත් වන බවත්, ළමා මහේස්ත්‍රාත් අධිකරණ ප්‍රමාණවත් නොවීම හේතුවෙන් ළමයින්ට සම්බන්ධ නඩු විභාග ප්‍රමාද වීම ගැටලුවක් බවත් පාර්ලිමේන්තු මන්ත්‍රී වීරසුමන වීරසිංහ පෙන්වා දුන්නේ. පළාතකට ළමා අධිකරණයක් බැගින් ස්ථාපිත කරන ලෙසත්, මන්ත්‍රීවරයා යෝජනා කර සිටියා. මෙම යෝජනාව අගය කරමින් අධිකරණ අමාත්‍යවරයා පැවසුවේ ඒ පිළිබඳව පුළුල් අවධානයක් යොමු කරන බවයි.

අධිකරණවල විභාගවන නඩු ප්‍රමාද වීම යන සාධකයේදී ලොව රටවල් 189 ක් අතරින් ශ්‍රී ලංකාව 165 වැනි ස්ථානයේ පසුවන බව පැවසූ අධිකරණ අමාත්‍යවරයා එය කණ්ගාටුවට කරුණක් බව ද පැවසුවා. වසර 25 කට වඩා වැඩි කාලයක් විසඳා නොහැකිව දිසා අධිකරණයේ සිවිල් නඩු 5000 කට අධික සංඛ්‍යාවක් විභාග වෙමින් පවතින බව අමාත්‍යවරයා සඳහන් කරනවා.

නීතිය නිසි ලෙස ක්‍රියාත්මක කිරීම කඩිනම් කිරීම සඳහා විනිසුරුවන් හා අධිකරණ සංඛ්‍යාව වැඩි කිරීමේ වැදගත්කම අවධාරණය කළ අමාත්‍යවරයා කියා සිටියේ ශ්‍රේෂ්ඨාධිකරණයේ සේවය කළ යුතු විනිසුරුවන්ගේ සංඛ්‍යාව 11 සිට 17 දක්වා වැඩි කර ඇති බවත්, අභියාචනාධිකරණයේ සේවය කළ විනිසුරුවන්ගේ සංඛ්‍යාව අභියාචනය 12 සිට 20 දක්වා වැඩි කර ඇති බවයි.

අධිකරණ පද්ධතිය පුළුල් කිරීමේ දී දැනට අලුත්කඩේ අධිකරණ අමාත්‍යාංශය පිහිටා ඇති පරිශය ද ඒ වෙනුවෙන් භාවිත කිරීමට කැබිනට් අනුමැතිය ලැබී ඇති බව ද අමාත්‍යවරයා සඳහන් කරනවා.

-Newshub

RECENT ARTICLES - SINHALA

අල්ලපු ගෙදරින් විදුලිය ගන්න ගිය පුද්ගලයෙක් මරුට

තම නිවසේ විදුලිය විසන්ධි විම නිසා යාබද නිවසකින් විදුලිය ලබා ගැනිමට ගිය පුද්ගලයෙකු විදුලි සැර වැදි අද (24) පස්වරුවේ මියගොස් ඇතැයි හිනිදුම පොලිසිය පවසනවා. මෙසේ...

දියතලාව – හපුතලේ මාර්ගය වැසේ

ගස් කඩා වැටීමේ අවදානම හේතුවෙන් දියතලාව – හපුතලේ මාර්ගය අද (24) රාත්‍රීයේ වසා දැමීමට තීරණය කර ඇති බව ආපදා කළමනාකරණ මධ්‍යස්ථානය සඳහන් කරනවා. ඒ අනුව,...

අල්ලස් ගත් විදුහල්පතිවරයෙක් අත්අඩංගුවට

දරුවන්ගේ උදෑසන ආහාර වේල සැපයීමේ කටයුත්ත කරගෙන යෑම සඳහා ආහාර වේල සැපයීමේ ටෙන්ඩරය ලබාගත් කාන්තාවගෙන් රුපියල් විදුහල්පති රුපියල් 30,000ක අල්ලසක් ලබාගන්නා අවස්ථාවේදී අල්ලස් කොමිසමේ...

POPULAR ARTICLES

පොලිස් කාන්තාවගේ වීඩියෝ එක ගැන පොලීසියෙන් ප්‍රකාශයක්

ලියාපදිංචි සහිතකය නොමැතිව මධ්‍යම පළාතේ පුද්ගලයෙකු හට අයිති වාහනයක් සබරගමුව පළාත තුළ ධාවනය කළ රියදුරෙකුට පොලිස් කාන්තාවක් දඩයක් නියම කරන අයුරු දැක්වෙන වීඩියෝවක් මේ...

පාසල් නිවාඩුව ගැන විශේෂ නිවේදනයක්

දිවයිනේ සියලුම පාසල්වලට හෙට (22) දින නිවාඩු දෙන බව සමාජ මාධ්‍ය ජාල හරහා ප්‍රචාරය වන නිවේදනය අසත්‍ය බව අධ්‍යාපන අමාත්‍යාංශය දැනුම් දෙනවා. අධ්‍යාපන අමාත්‍යංශය නිවේදනය...

වාහන ආනයනය ගැන සුබ ආරංචියක්

රටේ අවශ්‍යතාවය පරිදි ඉදිරියේදී වාහන ආනයනය කිරීමට සූදානම් බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා. රාජ්‍ය අමාත්‍යවරයා මාධ්‍ය වෙත අදහස් දක්වමින් පවසා සිටියේ, වාහන...