ඉන්දීය මහ මැතිවරණය අතරතුරේ, ඉන්දියාව අස්ථාවර කිරීමට ඇමෙරිකාව සූදානම් වෙනවා යැයි රුසියාව චෝදනා කරනවා.
රුසියාව, මෙසේ චෝදනා කළේ, ඉන්දියාවේ නවදිල්ලියේ ආගමික නිදහස උල්ලංඝනය වෙනවා යැයි ජාත්යන්තර ආගමික නිදහස සම්බන්ධ ඇමෙරිකන් කොමිසම වාර්තාවක් නිකුත් කරමින් ඉන්දීය රජය විවේචනය කිරීමත් සමඟයි.
රුසියන් රජය වෙනුවෙන් මෙසේ චෝදනාව කර ඇත්තේ එරට විදේශ අමත්යාංශයයි.
රුසියන් විදේශ කටයුතු අමාත්යාංශ ප්රකාශිකා මරීයා සකරෝවා පෙන්වා දී ඇත්තේ, ඉන්දියාවේ හින්දු වැසියන්ගේ ජාතිකවාදී මානසිනත්වය සහ ඉන්දියාවේ ඉතිහාසය සම්බන්ධයෙන් ඇමෙරිකාවට කිසිදු අවබෝධයක් නැති බවත්, ජාත්යන්තර ආගමික නිදහස සම්බන්ධ ඇමෙරිකන් කොමිසම ආගමික නිදහස සම්බන්ධයෙන් ඇමෙරිකන් රජයට පදනම් විරහිතව චෝදනා එල්ල කරන බවයි.
ඉන්දීය මහ මැතිවරණය මේ වනවිට ආරම්භ වී තිබෙන අතර, එය අදියර හතකින් පැවැත්වෙනවා.
මැතිවරණය අවසන් වන්නේත් ප්රතිඵල නිකුත් කිරීම සිදුවන්නේත් එලැඹෙන ජූනි මාසයේ වන අතර, මැතිවරණය ආරම්භ වූයේ පසුගිය අප්රේල් මාසයේයි.
අග්රාමාත්ය මෝදි ප්රමුඛ භාරතීය ජනතා පක්ෂය හින්දු ජාතිකවාදී පක්ෂයක් වන අතර, ඔවුන් ඔවුන්ගේ මැතිවරණ ව්යාපාර කටයුතු සිදු කරන්නේ හන්දු වැසියන්ගේ ජාතිකවාදී හැඟීම් ඉස්මතු කරමින් යැයි විපක්ෂය වන කොංග්රස් පක්ෂය ප්රමුඛ විපක්ෂ සන්ධානය ද චෝදනා නගා තිබෙනවා.
මැතිවරණය පැවැත්වෙන අතරතුරේ, ජාත්යන්තර ආගමික නිදහස සම්බන්ධ ඇමෙරිකන් කොමිසම අග්රාමාත්ය මෝදි ප්රමුඛ භාරතීය ජනතා පක්ෂ රජය විවේචනය කිරීම, ඉන්දියාව අස්ථාවර කිරීමට හේතුවක් යැයි රුසියාව චෝදනා කර ඇත්තේ මේ නිසායි.