කුඩා ප්රමාණයේ පෙට්ටියක දමා බෝට්ටුවක් තුළ අතහැර ගිය දින 21 ක බිළිඳියක් ඉන්දියාවේ උත්තර් ප්රදේශ ප්රාන්තයේ ගාසිපූර් හි ගංඉවුරකින් මුණ ගැසී තිබේ.
බිළිඳිය දමා තිබූ කුඩා ප්රමාණයේ පෙට්ටිය විෂ්ණු දෙවියන් සහ දුර්ගා මෑණියන්ගේ රූපවලින් සරසා තිබුණු බව පැවසේ.
බෝට්ටුව තුළ බිළිදෙකු හඬන හඬක් ඇසී කළ සොයා බැලීමක දී බෝට්ටුකරුවෙකු හට දරුවා හමු වී ඇත.
පෙට්ටිය තුළ දරුවාගේ කේන්දර කාඩ්පත ඇගේ උපන්දිනය මෙන්ම ඇගේ නම ගංගා බවට හැඳින්වූ සටහන් පතක් තිබී ඇතැයි මාධ්ය වාර්තා කර තිබිණි.
බෝට්ටුකරුවෙකු වූ ගුලු චෞද්රි නම් දැරිය බේරාගත් තැනැත්තා දැරිය ආදරයෙන් වඩා ගෙන යන ආකාරය දැක්වෙන වීඩියෝවක් ද සමාජ මාධ්ය ඔස්සේ වාර්තා වී තිබේ.
බෝට්ටුකරු චෞද්රි දැරිය බේරා ගැනීමේ දී පෙන්වූ මනුෂ්යත්වයේ අසම සම ආදර්ශය වෙනුවෙන් නිවසක් සහ වෙනත් රාජ්ය ප්රතිලාභ ද පිරිනැමීමට නියමිත බව මහ ඇමති යෝගී ආදිත්යනාත් ප්රාදේශීය මාධ්ය වෙත පැවසුවේය.