මෘත ශරීර එම්බාම් කිරීමේ පාඨමාලාවක් එළෙඹන වසරේ පෙබරවාරි සිට ආරම්භ කරන බව සමස්ත ලංකා අවමංගල්‍ය අධ්‍යක්ෂවරුන්ගේ සංගමයේ සභාපති මහින්ද පනාගොඩ මහතා පවසනවා.
ඒ මහතා කියා සිටියේ මෙම පාඨමාලාව ජාතික ආධුනිකත්ව මණ්ඩලයේ අනුමැතිය ක්‍රියාත්මක කරන බවයි.
මෙම පාඨමාලාව NVQ 4 හා 5 සහතිකය යටතේ පැවැත්වෙනු ඇති.
ඒ අනුව ජයවර්ධනපුර විශ්ව විද්‍යාලයේ කාය විච්චේදන අංශයේ ජ්‍යෙෂ්ඨ කථිකාචාර්ය වෛද්‍ය සජිත් එදිරිසිංහ මහතාගේ මුලිකත්වයෙන් මෙම පාඨමාලාව ආරම්භ කිරීමට නියමිතයි.
මේ වන විටත් ඒ සඳහා 40 දෙනෙක් අයදුම් කර ඇති බවත් පාඨමාලාව සාර්ථකව අවසන් කරන පුද්ගලයන් හොඳින් පුහුණුකර විදෙස් රටවලට රැකියා අවස්ථාවලට යොමු කිරීමට බලාපොරොත්තු වන බවත් මහින්ද පනාගොඩ මහතා පවසනවා.
පනාගොඩ මහතා සදහන් කරන්නේ ඊට අමතරව දකුණු ආසියාවේ එම්බාම් කිරීම සඳහා මෙලෙස එම්බාම් පුහුණු පාසලක් ඉදි කිරීමට නියමිත බවයි.
