29 C
Colombo
Sunday, June 23, 2024
spot_img

ගෝල්ෆේස් පහරදීමක් ගැන වසරකට පසුව විමර්ශනයක්

- Advertisement -

ගාලුමුවදොර දී 2022 ඔක්තෝම්බර් 09 වැනිදා පැවැති සාමකාමී සැමරුමකට පොලිසිය පහර දුන්නේයැයි කියමින් පොලිස්පතිවරයාට කරන ලද පැමිණිල්ලක් අනුව එම පැමිණිල්ලෙන් වසරකට පසු කොළඹ මධ්‍යම සහකාර පොලිස් අධිකාරී සමන් කිරිඇල්ල මහතා විසින් විමර්ශනයක් ආරම්භ කර තිබෙනවා.

එම විමර්ශනයට අදාලව පැමිණිලිකරු වන තරුණ ජනමාධ්‍යවේදීන්ගේ සංගමයේ සභාපති තරිඳු ජයවර්ධනගෙන් සහකාර පොලිස් අධිකාරීවරයා විසින් අද (13) ප්‍රකාශයක් සටහන් කර ගනු ලැබුවා.

2022 ජූලි නම වැනිදා සිට සෑම නව වැනිදාවකම සාමකාමී සැමරුමක් ගාලුමුවදොරදී පවත්වාගෙන ආ බවත්, ඔක්තෝබර 09 වැනිදා පැවැති එම සාමකාමී සැමරුම අතරට කඩා වැදුණු සහකාර පොලිස් අධිකාරී නලින්ද දිල්රුක්, මරදාන පොලිස් ස්ථානාධිපති ඇපලකොටුව සහ කොම්පඤ්ඤවීදිහ හිටපු පොලිස් ස්ථානාධිපති රාජපක්ෂ ඇතුළු පිරිසක් විරෝධතාකරුවන්ට කෘර, අමානුෂික සහ අවමන් සහගත ලෙස සැලකූ බවත් තරිඳු ජයවර්ධන තම කටඋත්තරය මගින් ප්‍රකාශ කර තිබෙනවා.

පාසල් සිසුවකුට, කුඩා දරුවන්ට සහ කාන්තාවන්ට ද පොලිසිය මෙම අවස්ථාවේදී අඩත්තේට්ටම් කළ බව ද එහි සඳහන් වනවා.

එසේම මෙම පැමිණිල්ල ඉදිරිපත් කර ඇත්තේ 2022 ඔක්තෝබර 10 වැනිදා බවත්, පැමිණිල්ලේ සැකකරුවන් ලෙස කොළඹ මධ්‍යම කොට්ඨාස භාර ජ්‍යෙෂ්ඨ පොලිස් අධිකාරී, කොළඹ මධ්‍යම සහකාර පොලිස් අධිකාරී දිල්රුක් ඇතුළු පිරිසක් නම් කර ඇති බවත්, ඒ හේතුවෙන් මෙම පැමිණිල්ල පොලිස් විශේෂ විමර්ශන ඒකකය ලවා විමර්ශනය කරන ලෙස ඉල්ලා තිබියදී පැමිණිල්ලෙන් වසරකට පසු එනම් 2023 ඔක්තෝබර් මස 10 වැනිදා එම පැමිණිල්ල සැකකරුවන් වෙතම විමර්ශන කිරීමට එවීම ගැටලුසහගත බවත් තරිඳු ජයවර්ධන වැඩිදුරටත් තම ප්‍රකාශයේ සඳහන් කර තිබෙනවා.

වසරක් තිස්සේ පොලිස් නීති කොට්ඨාසය මෙම පැමිණිල්ල තම කොට්ඨාසයේ තබා ගනිමින් අවශ්‍ය නීති උපදෙස් නොදී තබා ගැනීම ගැනද විමර්ශනයක් සිදුවිය යුතු බව ද, සිද්ධියට අදාල සියලුම පොලිස් නිලධාරීන්ට එරෙහිව වද හිංසා පනත යටතේත්, දණ්ඩ නීති සංග්‍රහය යටතේත් අවශ්‍ය නීතිමය කටයුතු සිදු කරන ලෙස ඔහු තම පිටු තුනක කටඋත්තරය මගින් ඉල්ලා තිබෙනවා.

සිද්ධිය සම්බන්ධ විමර්ශන කොළඹ මධ්‍යම කොට්ඨාස භාර ජ්‍යෙෂ්ඨ පොලිස් අධිකාරීගේ අධීක්ෂණයෙන් කොළඹ මධ්‍යම සහකාර පොලිස් අධිකාරී සමන් කිරිඇල්ල මහතා විසින් සිදුකරගෙන යනු ලබනවා.

RECENT ARTICLES - SINHALA

බ්‍රිතාන්‍යයේ LTTE තහනම ඉවත් කරන්නැයි කළ ඉල්ලීම ප්‍රතික්ෂේප වෙලා

ත්‍රස්තවාදී සංවිධානයක් ලෙස බ්‍රිතාන්‍යයේ LTTEයට පනවා ඇති තහනම ඉවත් කරන ලෙස TGTE (දෙමළ ඊලම් සංක්‍රාන්ති රජය) විසින් කරන ලද අභියාචනය එක්සත් රාජධානියේ තහනම් සංවිධාන...

තියුණු ආයුධයකින් පහරදී පුද්ගලයෙකු ඝාතනය කරයි

බහින් බස්වීමක් දුරදිග යාමෙන් පුද්ගලයෙක් විසින් තියුණු ආයුධයකින් පහරදී තවත් පුද්ගලයෙක්ව ඝාතනය කර තිබෙනවා. පොලීසිය සඳහන් කළේ ඊයේ (22) අලුයම් කාලයේදී කටුවන පොලිස් වසමේ අමුදමන...

රාජ්‍ය මූල්‍ය කටයුතු ගැන හොයන්න පාර්ලිමේන්තු කාරක සභා 20ක්

රාජ්‍ය මූල්‍ය සහ රජයේ ප්‍රතිපත්තිමය කරුණු පිළිබඳව පාර්ලිමේන්තුවේ අධීක්ෂණය තවදුරටත් ශක්තිමත් කිරීමේ අරමුණින් ආංශික අධීක්ෂණ කාරක සභා 20ක් පිහිටුවා ඇති බව මුදල් ආර්ථික ස්ථායීකරණ...

POPULAR ARTICLES

සියලුම රථවාහන හිමියන්ට විශේෂ දැනුම්දීමක්

පොහොය දිනයන්වල මාර්ග තදබදයක් ඇතිවන ලෙස මාර්ග අවහිරවන සේ වාහන නවතා තබන රියැදුරන්ට එරෙහිව නීතිමය ක්‍රියාමාර්ග ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ...

උසස් පෙළ අයදුම්කරුවන්ට දැනුම්දීමක්

2024 උසස් පෙළ විභාගය සඳහා අයදුම්පත් භාරගැනීමේ අවසාන දිනය දීර්ඝ නොකරන බැවින් ඊට පෙර අයදුම්පත්‍ර යොමු කරන ලෙස විභාග දෙපාර්තමේන්තුව අයදුම්කරුවන්ගෙන් ඉල්ලීමක් කරනවා. ජූලි මස...

පළමු වසරට ළමු​න් ඇතු​​ලු කරන චක්‍රලේඛයේ වෙනසක්

පාසල් වල පළමුවන ශ්‍රේණියට ළමුන් ඇතුළත් කිරීම චක්‍රලේඛ උපදෙස් සංශෝධනය කිරීමට කැබිනට් අනුමැතිය හිමිවී තිබෙනවා. රජය පවසන්නේ, අධ්‍යාපනයේ සම සාධාරණ ප්‍රවේශ අවස්ථා තහවුරු වන...