මේ වනවිට රටේ ජනතාවගෙන් සාතිශය බහුතරයකට රජය එපා වී ඇති නිසා පක්ෂ පාට භේදයකින් තොරව ජනතාව ආණ්ඩු විරෝධී උද්ඝෝෂණ, රැස්වීම් සඳහා සහභාගි වන බව සමගි ජන බලවේගය පවසනවා.
කෙසේ නමුත්, ජනතාව රැස් වූ පමණින් ඔවුන් සියලු දෙනා තම පාක්ෂිකයන් සැයි සිතීම මුලාවක් බවයි සමගි ජන බලවේගයේ පාර්ලිමේන්තු මන්ත්රී තුෂාර ඉඳුනිල් මහතා පෙන්වා දෙන්නේ.
ඒ, ඊයේ නුගේගොඩදී පැවති ජාතික ජන බලවේගයේ රැස්වීම සම්බන්ධයෙන් අද (24) පැවති මාධ්ය හමුවකදී අදහස් දක්වමින්.
ආණ්ඩු විරෝධී ජනතාව විශාල ප්රමාණයක් ඊයේ රැළියට සහභාගි වූ නමුත් ඔවුන් සියලු දෙනා ජාතික ජන බලවේගයට ඡන්දය ලබා නොදෙන බවත් තුෂාර ඉඳුනිල් මහතා පවසනවා.
නිල්-කොල-රතු භේදයකින් තොරව, ආණ්ඩුවට එරෙහිව පැවැත්වෙන රැස්වීම් සඳහා ජනතාව සහභාගි වන බවත්, ඊයේ ජනතාව පැමිණියේ අනුර කුමාර දිසානායක මහතාගේ පම්පෝරි ඇසීමට නොවන බව ඔවුන් තේරුම් ගතයුතු බවත් ඉඳුනිල් මහතා වැඩිදුරටත් සඳහන් කරනවා.