පොලිස් දෙපාර්තමේන්තුවේ නිලධාරීන්ගේ අයිතිකාරයා දේශපාලකයා නොවිය යුතු බව ජාතික ජන බලවේගයේ නායක පාර්ලිමේන්තු මන්ත්රී අනුර කුමාර දිසානායක මහතා ඊයේ (09) සඳහන් කළා.
පොලිස් දෙපාර්තමේන්තුව පමණක් නොව මුලු මහත් රාජ්ය යාන්ත්රණයම දේශපාලන අතකොළුවක් ලෙස භාවිතා නොකරන බව මෙහිදි අනුර කුමාර මහතා පවසා තිබෙනවා.
තවද පොලිසියේ ස්වාධීනත්වය මෙන්ම පොලිස් නිලධාරින්ගේ ගරුත්වය ආරක්ෂා කිරීමට කටයුතු කරන බව මෙහිදි අනුර මහතා වැඩිදුරටත් කියා සිටියා.
මහරගම ජාතික තරුණු සේවා සභා ශ්රවණාගාරයේ ඊයේ පෙරවරුවේ පැවති විශ්රාමික පොලිස් නිලධාරීන්ගේ ජාතික සමුළු අමතමින් ඒ මහතා මේ බව සඳහන් කර තිබුණා.
මෙම සමුළුවට අපරාධ පරීක්ෂණ දෙපාර්තමේන්තුවේ හිටපු ජ්යෙෂ්ඨ නියෝජ්ය පොලිස්පති රවි සෙනෙවිරත්න විශ්රාමික නියෝජ්ය පොලිස්පති ඡේ.එ.කේ.මාර්ක් අපරාධ පරීක්ෂණ දෙපාර්තමේන්තුවේ හිටපු අධ්යක්ෂක ජ්යෙෂ්ඨ පොලිස් අධිකාරී ශානි අබේසේකර සහ ජ්යෙෂ්ඨ පොලිස් අධිකාරි දුල්ශාන් සෙනෙවිරත්න යන මහත්වරු ඇතුළු පොලිස් දෙපාර්තමේන්තුවේ විවිධ නිලයන්හි කටයුතු කළ විශ්රාමික පොලිස් නිලධාරීන් රැසක් එක්ව සිටියා.