රජයේ වෛද්‍ය නිලධාරීන්ගේ සංගමයේ සභාපති වෛද්‍ය අනුරුද්ධ පාදෙනියගේ කැලණිය දිප්පටිගොඩ පිහිටි නිවසේ පැවැති සාදයකට සහභාගී වූ වෛද්‍යවරයෙකුට කොවිඩ් ආසාදනය වී ඇති බව ජනවාරි 13 හදුනාගෙන ඇත.
අදාල සාදයට ජනවාරි 08 වන දින පවත්වා ඇති අතර පුද්ගලයන් 23 ක් පැමිණ ඇත.
කොවිඩ් ආසාදනය වූ අදාල වෛද්‍යවරයා මිනුවන්ගොඩ, උග්ගල්ගොඩ පදිංචි අයෙකු වන අතර ඔහු ආසාදිතයෙකු ලෙස හදුනාගැනීමෙන් අනතුරුව ආශිතයන් සෙවීමට සදහා වෛද්‍යවරයාගෙන් ප්‍රශ්ණ කර ඇති බවත් එම අවස්ථාවේදී සාදය පිළිබඳව පවසා ඇති බවත් වාර්තා වේ.
එම වෛද්‍යවරයා අවිස්සාවෙල්ල මූලික රෝහලේ සේවය කරන බවත් ඔහුගේ ආශ්‍රිතයන් නිරෝධායනය කරන ලෙසත් මිනුවන්ගොඩ පාදේශිය වෛද්‍ය සෞඛ්‍ය වෛද්‍ය නිලධාරීන් දැනුම් දී ඇත.
ඒ අනුව දිප්පිටිගොඩ ප්‍රදේශය භාර මහජන සෞඛ්‍ය පරීක්ෂකවරුන් තිදෙනෙකු පාදෙණිය මහතාගේ නිවෙසට ගොස් ඇති අතර මහජන සෞඛ්‍ය පරීක්ෂකවරුන් කොතරම් උත්සහයක් දැරුවද පාදෙණිය මහතා තම නිවසේ ගේට්ටුව විවර නොකළ බවත් නිවසේ විදුලිය විසන්දි කර දමා ඇති බවත් එම මහජන පරීක්ෂකවරුන් කැලණිය ප්‍රාදේශිය සෞඛ්‍ය වෛද්‍ය නිලධාරිනියට දැනුම් දී ඇත.
