අනුෂ පැල්පිට මහතා කර්මාන්ත අමාත්‍යාංශයේ ලේකම්වරයා ලෙස පත්කර ඇති බව වාර්තා වේ.
අදාල පත්කිරීම 2021 ජනවාරි 01 වනදා සිට ක්‍රියාත්මක බවත් වාර්තා වේ.
විදුලි සංදේශ නියාමන කොමිෂන් සභාවේ හිටපු අධ්‍යක්ෂ ජනරාල්වරයකු වන අනුෂ පැල්පිට හා හිටපු ජනාධිපති ලේකම්වරයකු වන ලලිත් වීරතුංග යන මහත්වරුන් 2015 ජනාධිපතිවරණ සමයේදී විදුලි සංදේශ නියාමන කොමිසන් සභාවට අයත් රුපියල් මිලියන 600 ක මුදලක් වැය කර සිල්රෙදි බෙදාදීම ඇතුළු අධිචෝදනා තුනකට මහාධිකරණය විසින් ඔවුන් වරදකරුවන් කරනු ලැබුවේ ය.
ලලිත් වීරතුංග සහ අනුෂ පැල්පිට යන මහත්වරුන් වරදකරුවන් කරමින් කොළඹ මහාධිකරණ විනිසුරු ගිහාන් කුලතුංග මහතා 2017 සැප්තැම්බර් 17 වන දින නියෝග කළේ ඔවුන්ට බරපතල වැඩ සහිත වසර 3 ක සිර දඩුවම්, රුපියල් ලක්ෂ 20 බැගින් වූ දඩ සහ රුපියල් ලක්ෂ 500 බැගින් වූ වන්දියක් ගෙවන ලෙසය.
කෙසේ වෙතත්නොවැම්බර් 19 දින සිල්රෙදි නඩුවේ චෝදනාවලින් ඔවුන්ව අභියාචනාධිකරණය නිදොස් කොට නිදහස් කරනු ලැබීය.
