නැගෙනහිර කලාපයේ සැබෑ පාලන රේඛාව හරහා චීනය සමඟ සමස්ත තත්ත්වය තරමක් දුරට සන්සුන් බවත් සහ ‘තදින් පාලනය කර ඇති බවත් ඉන්දියාවේ නැගෙනහිර ප්‍රදේශය භාර යුධ හමුදා ප්‍රධානී ලුතිනන් ජෙනරාල් රානා ප්‍රතාප් කලීටා අරුණාචල් ප්‍රදේශ්හිදී පවසා තිබේ.
නැගෙනහිර ලඩාක් හි ඩෙම්චොක් සහ ඩෙප්සාන්ග්හි ඉන්දියානු සහ චීන හමුදා ගැටුමක යෙදී සිටියද කලාපයේ තත්වය ස්ථාවර වී ඇති බව අණදෙන නිලධාරියා පැවසීය.
පාලන රේඛාව සමීපයේ යටිතල පහසුකම් වැඩිදියුණු කිරීම සහ ඩ්‍රෝන, හෙලිකොප්ටර් සහ විද්‍යුත් නිරීක්ෂණ උපකරණ හඳුන්වාදීමත් සමඟ කලාපය තුළ තමන් උනන්දු වන ප්‍රදේශය නිරීක්ෂණය කිරීමට හමුදාව දැන් වඩා හොඳ ස්ථානයක සිටින බව ද ඔහු පැවසීය.
නැඟෙනහිර ප්‍රදේශයේ ඕනෑම සිදුවීමකට මුහුණ දීමට ඉන්දියානු හමුදාව සම්පූර්ණයෙන්ම සූදානම් බවත් ගැටුම් ඇති නොවන බව සහතික කිරීම සඳහා චීනය සමඟ කටයුතු කරමින් සිටින බව ලුතිනන් ජෙනරාල් කලීටා පැවසීය.
ඔහු මෙම අදහස් පළ කළේ චීනයට මුහුණ ලා ඇති ලෝහිත් නිම්නයේ ප්‍රධාන දේශසීමා මුරපොලක් වන කිබිතු හි සංචාරයක නිරත මාධ්‍යවේදීන් පිරිසක් සමඟ පැවති සංවාදයකදීය.
ලුතිනන් ජෙනරාල් කලීටා එහිදී පැවසුවේ ඉන්දීය හමුදාව පාලන රේඛාව දිගේ ක්‍රියාකාරකම් අඛණ්ඩව අධීක්ෂණය කරමින් සිටින අතර ඕනෑම අභියෝගයක් අවම කිරීමට හොඳින් සූදානම් බවයි.
