ඇෆ්ගනිස්තානයේ හෙල්මාන්ඩ් පළාතේ සටන් අතරතුර එරට ආරක්ෂක අංශ විසින් අල්ලාගත් තලේබාන් සාමාජිකයන් අතරින් පිරිසක් පකිස්තානයේ සිට පැමිණි අය බවට හදුනගෙන තිබේ.
ඇෆ්ගනිස්තාන ආරක්ෂක අංශ සදහන් කළේ අල්ලාගත් තලේබාන් සාමාජිකයන් 50 දෙනෙකු අතරින් 21 දෙනෙකු පකිස්තානයේ නේවාසිකයන් බවයි.
පකිස්තානය ඇෆ්ගනිස්තාන රජයට එරෙහිව සටන්වැදීම සදහා තලේබාන් සංවිධානයට සහය පළ කරන බවට දිගින් දිගටම චෝදනා එල්ල වී තිබේ.
ඇෆ්ගනිස්තාන ආරක්ෂක අංශ සදහන් කරන්නේ මෙසේ පකිස්තානයේ සිට පැමිණි තලේබාන් සාමාජිකයන් සටන් බිමේදී අල්ලා ගැනීමෙන් එම චෝදනා වඩාත් හොදින් ඔප්පු වන බවයි.