ගිනිගෙන විනාශවන එක්ස්ප්‍රස් පර්ල් නෞකාවෙන් මුහුදට වැටී වෙරළට ගොඩ ගසා තිබූ භාණ්ඩ එකතු කළ පුද්ලයින් 08 දෙනෙකු අත්අඩංගුවට ගෙන තිබෙනවා.
පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කළේ අදාළ සිද්ධිය සම්බන්ධයෙන් තවත් පිරිසක් අත්අඩංගුවට ගැනීමට නියමිත බවයි.
පමුණුගමුව, දුන්ගල්පිටිය, මීගමුව සහ කොච්චිකඩේ යන වෙරළ ආශ්‍රිත ප්‍රදේශන්වල පුද්ගලයින් මෙලෙස අත්අඩංගුවට පත්ව තිබෙනවා.
පොලිස් මාධ්‍ය ප්‍රකාශකවරයා සදහන් කරන්නේ නැවෙන් වෙරළට ගසාගෙනවිත් එකතු කරන ලද භාණ්ඩ ප්‍රවාහනය කරමින් සිටියදී ලොරි රථයක් ද එහිදී පොලිස් භාරයට ගෙන ඇති බවයි.
මෙම සිද්ධිය සම්බන්ධ ලැබී ඇති වීඩියෝ දර්ශන අධ්‍යයනය කරමින් තවදුරටත් අත්අඩංගුවට ගැනීම් සිදුකරන බවද නියෝජ්‍ය පොලිස්පති අජිත් රෝහණ මහතා පවසනවා.
