තමන්ගේ රජයක් යටතේ 13 වැනි ව්යවස්ථා සංශෝධනය ක්රියාත්මක කරන බව විපක්ෂ නායක සජිත් ප්රේමදාස මහතා පවසනවා.
ඔහු මේ බව කියා සිටියේ (09) කිලිනොච්චිය භාරතීපුරම් මහ විද්යාලයේ උත්සව අවස්ථාවකට එක්වෙමින්.
අමාත්යවරයා පවසන්නේ, 13 වැනි ව්යවස්ථා සංශෝධනය පිළිබඳ කතා කිරීමේදී ඇතැම් නායකයන් බයේ පැනගිය බවත් ඇතැමුන් වෙනත් මාතෘකා පිළිබඳ කතාකළ බවයි.
කෙලින් කතාකරන අයකු ලෙස තමන් බලයට පත්වූ පසු 13 වැනි සංශෝධනය ඒ අයුරින් ක්රියාත්මක කරන බව සජිත් ප්රේමදාස මහතා පවසනවා.
එහිදී වැඩිදුරටත් අදහස් දැක්වූ අමාත්යවරයා,
“අපේ රටේ සමහර ප්රදේශවල සිංහල පමණයි කියා ඇතැමුන් පවසනවා. ඔවුන් රටේ නිදහස් අධ්යාපනයේ පාසල් තුළ දරුවන් හතළිස් ලක්ෂය ගැන සිතා එසේ පවසන්නේ නෑ. ඔවුන්ගේ ඡන්ද මල්ල ගැන සිතා අප සිංහල පමණයි කියා පවසනවා. තවත් ප්රදේශවලට දමිළ පමණයි යනුවෙන් පවසනවා. දමිළ පමණයි කියා පවසන්නේ දරුවන්ගේ අනාගතය ගැන සිතා නොවෙයි තමන්ගෙ ඡන්ද වැඩිකරගන්නයි. මා අද කිලිනොච්චියට පැමිණියේ ඡන්ද හදන්නවත් දෙමළ ඡන්ද මල්ලට දාගන්නවත් නොවෙයි”