ආසියාවෙි දිගම ගංගාව වන චීනය හරහා ගලාබසින යැන්ග්ට්සි ගංගාවේ ජල මට්ටම කැපී පෙනෙන ලෙස පහළ බසිමින් ඇති බව අනාවරණය වී තිබේ.
සවුත් චයිනා මෝර්නින් පෝස්ට් පුවත්පත වාර්තා කරන අන්දමට ගංගාවේ ජල මට්ටම සෑම වසර දෙකකට වතාවක් සෙන්ටිමීටර 2බැගින් අඩුවෙමින් පවතින බව විද්යාඥයන් විසින් අනාවරණය කරගෙන ඇත.
චීනයේ ඉහළම ආර්ථික වර්ධනයක් පවතින්නේ යැන්ග්ට්සි ගංගාව ආශ්රිත කලාපයන්ගේ වන අතර මෙම තත්වය එම වර්ධනයට අහිතකර ලෙස බලපානු ඇති බව අදාළ මාධ්ය වාර්තාවේ වැඩිදුරටත් සදහන් වේ.
කිලෝමීටර් 6300 ක් වන යැන්ග්ට්සි ගංගාව චීනයේ මෙන්ම ආසියාවේ දිගම ගංගාවයි.
ලෝකයේ දිගම ගංගා අතර තුන්වන ස්ථානයේ පවතින එය තනි රටක් හරහා ගලාබසින ලොව දිගම ගංගාවද වේ.