හිටපු ශ්‍රි ලංකා විවාහක රූ රැජින පුෂ්පිකා ද සිල්වා මහත්මිය ඊයේ (28) දින ප්‍රකාශයක් ලබා ගැනීම සදහා පිළියන්දල පොලිසියට කැඳවා තිබුණා.
ඒ, මාධ්‍යවේදී චමුදිත සමරවික්‍රම මහතාගේ නිවසට එල්ලවුණු ප්‍රහාරය සම්බන්ධයෙන් කෙරෙන විමර්ශනයට අදාලවයි.
සිද්ධිය සම්බන්ධයෙන් ප්‍රකාශයක් ලබා ගැනීමට ඉකුත් 23 පොලිසිය ඇය කැඳවා තිබු න්මුත් එදිනට පැමිණිය නොහැකි බවත්, වෙනත් දිනයක පැමිණෙන බවත් පුෂ්පිකා ද සිල්වා මහත්මිය සිය නීතිඥවරුන් මගින් පොලිසියට දැනුම් දී තිබුණා.
ඒ අනුව ඇය නීතිඥ සරිත් පතිරත්න මහතා සමඟ සමග මීට ඊයේ දින පිළියන්ද පොලිසිය වෙත පැමිණ සිටි අතර එහිදී ඇයගෙන් පැය දෙක හමාරකට ආසන්න කාලයක් ප්‍රශ්නකර ප්‍රකාශ සටහන් කර තිබුණා.
චමුදිත සමරවික්‍රම මහතාගේ නිවසට ප්‍රහාර එල්ලවීමට මාස කීපයකට ඉහත දී යූ ටියුබ් චැනලයක් හරහා පුෂ්පිකා ද සිල්වා මහත්මිය චමුදිත සමරවික්‍රම මහතා සමඟ කළ සම්මුඛ සාකච්ඡාවක අන්තර්ගත වූ කරුණු සම්බන්ධයෙන්ද එහිදී ප්‍රශ්න කර තිබූ බවත් මේ වන විට ඇය ඇතුළු පුද්ගලයන් තිස් හත් දෙනෙකුගෙන් ප්‍රකාශ ලබා ගෙන ඇති බවත් පොලිසිය පවසනවා.
