25.3 C
Colombo
Monday, March 4, 2024

වනජීවී අධ්‍යක්ෂ ජනරාල්ගේ අත නවන වැඩක්…

- Advertisement -

ඉහළම දේශපාලන හස්තයක බලපෑම හේතුවෙන් අත්තිඩිය කුරුළු අභය භූමියේ කොටසක විනාශකාරී ඉදිකිරීමකට අවසර දීමට වනජීවී දෙපාර්තමේන්තුවේ අධ්‍යක්ෂ ජනරාල්වරයාට සිදුව ඇතැයි ‘නිව්ස් 19’ ට වාර්තා වේ.

අත්තිඩිය කුරුළු අභයභූමියට නැගෙනහිර දෙසින් මායිම්ව ඇති හෙක්ටයාර් 0.7 ක භූමි ප්‍රමාණයකින් යුත් බිම් කොටසක මෙසේ ඉදිකිරීම් කරනු ලබන්නේ සහනෝදය නමැති පුණ්‍යායතනයක් මගිනි.

1992 වසරේදී ආරම්භ කල ඇති මෙම සංවිධානයේ නිර්මාතෘ කුප්‍රකට ව්‍යාපාරිකයකු වන බන්දුල වීරවර්ධන නමැත්තාය.

ඔහු 2017දී තායිවානයේ ජාත්‍යන්තර බැංකුවකට සම්බන්ධ මිලියන ගණනක ජාත්‍යන්තර මූල්‍ය වංචාවක් සම්බන්ධයෙන් අත්අඩංගුවට ගෙන රිමාන්ඩ් කරනු ලැබූවෙකි.

පුණ්‍යායතනයේ සභාපති ධූරය හපුතලේ පඤ්ඤාරාම නමැති භික්ෂුවක් දරයි.

මේ දෙදෙනාම ඉහළම දේශපාලන සම්බන්ධකම් ඇති බැවින් මේ වනවිට වනජීවී දෙපාර්තමේන්තු නිලධාරිහුඔවුන්ට එරෙහිව නීතිය ක්‍රියාත්මක කිරීමේදී දැඩි සේ අසරණව සිටිති.

මෙම ඉඩම අභයභූමියේ පිහිටා තිබුණද පෞද්ගලික ඉඩමක් යන කාරණය මත පදනම්ව ඉදිකිරීම් කටයුතු කරගෙන යාමට 2009 වසරේදී වනජීවී සංරක්ෂණ දෙපාර්තමේන්තුව කොන්දේසි 6ක් මත පදනම්ව අවසර ලබා දී ඇත.

එවකට වනජීවී අධ්‍යක්ෂ ජනරාල් ඩබ්ලිව්.ඒ.ඩී.ඒ. විජේසූරිය 2009 සැප්තැම්බරයේ නිකුත් කළ ලිපියකින් මෙම කොන්දේසිසහගත අවසරය දුන්නත් අද වන විට එම කොන්දේසි උල්ලංඝනය කරමින් ඉදිකිරීම් සිදුවෙමින් ඇත.

මෙම යෝජිත ගොඩනැගිල්ලේ ඉදිකිරීම් ක්‍රියාවලිය වනජීවී නිලධාරීන්ගේ අධීක්ෂණය යටතේ සිදු කිරීම සහ අවශ්‍ය අවස්ථා වල නිලධාරීන්ට පරිශ්‍රයට ඇතුළුවීමට ඉඩ දිය යුතු බව අනිවාර්ය බව එහි එක් කොන්දේසියක් වුවත් වනජීවී නිලධාරීන්ට ඉදිකිරීම් කටයුතු නිරීක්ෂණය කිරීමට අවසර ඉල්ලා සිටින තත්ත්වයක් දැන් නිර්මාණය වී ඇත.

ඉල්ලීමකින් පසුව පවා අදාළ පරිශ්‍රයට ඇතුළුවීමට මෙම හිමිනම ඇතුළු කණ්ඩායම වනජීවී නිලධාරින්ට ඉඩ දී නැති අතර මේ නිසා කිසිවක් නිරීක්ෂණය හසුකරගන්නට දෙපාර්තමේන්තුව අපොහොසත්ව ඇත. 

භූමියට යාබද ඇළ ඉවුරත් සමග මීටර් 30ක පරතරයක කිසිම ඉදි කිරීමක් හෝ ගොඩ කිරීමක් කල නොහැකි බවත් එම මීටර් 30ක ඉඩ තුල ඇළ ඉවුර ආරක්ෂා වන අයුරින් උණ, කුඹුක් සහ මී වැනි ගස් සිටුවීම කළ යුතු බවත් තවත් කොන්දේසියකි.

එහෙත් ඇල ඉවුර හා මීටර තුනකටත් අඩු පරතරයකින් කම්බි වැටක් ගැසීමට මෙම බලවතුන් කටයුතු කර ඇත.

අදාළ ඉදිකිරීමට නීත්‍යනුකූල මුහුණුවරක් ලැබෙන ආකාරයේ අනුමැතියක් වනජීවී අධ්‍යක්ෂ ජනරාල්වරයා හරහාම ලබාගැනීමට ද මෙම බලවතුන් උත්සාහ දරමින් සිටින්නේ යැයි දෙපාර්තමේන්තුවේ විශ්වසනීය ආරංචි මාර්ග ‘නිව්ස් 19’ ට සඳහන් කරයි. 

RECENT ARTICLES - SINHALA

ප්‍රශ්න පත්‍ර පිටවීමේ සිද්ධිය ගැන විශේෂ සාකච්ඡාවක්

බස්නාහිර හා සබරගමුව පළාත්වල වාර විභාග ප්‍රශ්න පත්‍ර පිටවීමේ සිද්ධිය සම්බන්ධයෙන් අද (04) විශේෂ සාකච්ඡාවක් පැවැත්වනු ලබනවා. ඒ, අදාළ පළාත්වල අධ්‍යාපන බලධාරීන්ගේ සහභාගීත්වයෙන්. ප්‍රශ්න...

මේක නාමල්ගෙ වෙලාව නෙමෙයි-රණතුංග මහතා

පොහොට්ටුව ජනාධිපතිවරණයට අපේක්ෂකයකු ඉදිරිපත් කරන්නේ නම් ඔහු වත්මන් ජනාධිපති රනිල් වික්‍රමසිංහට වඩා අති දක්ෂයකු විය යුතු බව ආණ්ඩු පක්ෂ ප්‍රධාන සංවිධායක, අමාත්‍ය ප්‍රසන්න රණතුංග...

රියදුරු බලපත්‍ර ගන්න අයට දැනුම්දීමක්

මෝටර් රථ ප්‍රවාහන දෙපාර්තමේන්තුව සපයන සේවාවන් සඳහා ස්වයංක්‍රීය දුරකථන පද්ධතියක් යටතේ සහ වෙබ් අඩවිය වෙත පිවිස සිය අවශ්‍යතා සපුරාගැනීමට අද (04) සිට මහජනතාවට අවස්ථාව...

POPULAR ARTICLES

මාර්තු ඉන්ධන මිල ගණන් මෙන්න

මාර්තු මාසය තුළ පවතින ඉන්ධන මිල ගණන් සංශෝධනයකින් තොරව පවත්වාගෙන යාමට රජය තීරණය කර තිබෙනවා. මාසික ඉන්ධන මිල සංශෝධනයට අනුව ඊයේ (29) මධ්‍යම රාත්‍රීයේ...

විභාග දෙපාර්තමේන්තුවෙන් දැනුම්දීමක්

2024 වර්ෂය තුළ පැවැත්වීමට නියමිත පාසල් විභාග හා ඒවා පැවැත්වෙන දිනයන් විභාග දෙපාර්තමේන්තුව විසින් ප්‍රකාශයට පත්කර තිබෙනවා. ඒ අනුව 2023 වර්ෂයට අදාළව පැවැත්වීමට නියමිතව තිබූ...

අද ඩොලරය

ඇමෙරිකානු ඩොලරයට සාපේක්ෂව රුපියලේ අගය අද තවදුරටත් ශක්තිමත් වී තිබෙනවා. ශ්‍රී ලංකා මහ බැංකුව විසින් අද (01) දින නිකුත් කරන ලද දෛනික විනිමය අනුපාතික සටහනට...