මියන්මාර නායිකා අවුන් සාන් සුකි ඇතුළු පාලක පක්ෂයේ ඉහළ නිලධාරීන් පිරිසක් අත්අඩංගුවට ගෙන තිබෙන බව විදෙස් මාධ්ය වාර්තා කරනවා.
අඩ සියවසකට අධික කාලයක් පැවති හමුදා පාලනය අවසන් වීමෙන් අනතුරුව එරට පැවති දෙවැනි ප්රජාතන්ත්රවාදී මැතිවරණය ලෙස පසුගිය නොවැම්බර් මාසයේ පැවති මැතිවරණය හැදින්වූවා.
කෙසේ වෙතත් මියන්මාරයේ ප්රබල හමුදාව පැවති මැතිවරණයේ වංචා සිදුවූ බවට සිවිල් රජයට දිගින් දිගටම චෝදනා කර තිබුණා.
එම මැතිවරණයෙන් පසුව මියන්මාර පාර්ලිමේන්තුව අද අසුන් ගැනීමට නියමිතව තිබූ පසුබිමකදී අවුන් සාන් සුචී ඇතුළු පාලක පක්ෂයේ ඉහළ නිලධාරීන් පිරිසක් මෙලෙස හමුදා භාරයට ගෙන තිබෙනවා.
මේ පිළිබඳව මියන්මාරයේ ප්රබල හමුදා පාර්ශවයෙන් මෙතෙක් කිසිදු නිල ප්රකාශයක් නිකුත් කර නැහැ.