එංගලන්තය සහ ඔස්ට්‍රේලියාව අතර පැවති 2021-2022 අළු බඳුන තරඟාවලියේ තෙවන තරගය
ඉනිමක සහ ලකුණු 14කින් ජයගැනීමට ඔස්ට්‍රේලියාව ඊයේ (28)සමත් වුණා.
ඒ අනුව මෙවර අළු බඳුන ශූරතාව තවත් තරඟ 02ක් ඉතිරිව තිබියදීම තමන් සතු කර ගැනීමට ඕස්ට්‍රේලියාවට හැකිවුනේ තරඟ 03 ට 0ක් ලෙස තරඟාවලියේ පෙරමුණ ගනිමින්.
තෙවන තරඟයේ පළමුව පන්දුවට පහරදුන් එංගලන්ත කණ්ඩායම ලකුණු 185කට දැවී ගිය අතර ඊට පිළිතුරු ලෙස ඔස්ට්‍රේලියානු කණ්ඩායම සියලුදෙනා දැවී රැස්කරගත් ලකුණු සංඛ්‍යාව 267ක්.
ඕස්ට්‍රේලියාව වෙනුවෙන් මාකස් හැරිස් ලකුණු 76යි ලබාගත් අතර පන්දු යැවීමේදි එංගලන්තය වෙනුවෙන් ජේම්ස් ඇන්ඩර්සන් කඩුලු 4ක් දවා ගැනීමට සමත් වුණා.
ඒ අනුව දෙවන ඉනිම ඇරඹූ එංගලන්ත කණ්ඩායමේ සියළු ක්‍රීඩකයින් ලකුණු 68කට සීමා කිරීමට ඕස්ට්‍රේලියානු වේගපන්දු බලඇණියට හැකිවුණා.
එහිදී සිය මංගල ටෙස්ට් තරගයට සහභාගි වූ ස්කොට් බෝලන්ඩ් ලකුණු 7කට කඩුලු 6ක් දවා ගත්තේ තරගයේ වීරයා බවට පත්වෙමින්.
ඒ අනුව තෙවන තරඟය ඉනිමකින් සහ ලකුණු 14කින් ජයගැනීමට ඕස්ට්‍රේලියානු කණ්ඩායම සමත් වුණා.
