චීනය තම රට සම්බන්ධයෙන් ව්‍යාජ පුවත් පැතිරවීමේ නිරත වන බවට ඕස්ට්‍රේලියාවෙන් චෝදනා
චීනය තම රට සම්බන්ධයෙන් ව්‍යාජ තොරතුරු පැතිරවීමේ නිරතවන බවට ඕස්ට්‍රේලියානු අධ්‍යාපන අමාත්‍ය ඇලන් ටජ් ප්‍රකාශ කර තිබේ.
ඕස්ට්‍රේලියානු අධ්‍යාපන අමාත්‍යවරයා මෙම ප්‍රකාශය සිදුකර ඇත්තේ ඕස්ට්‍රේලියාවට ගොස් අධ්‍යාපනය ලැබීමට පෙර එහි ඇති අවදානම පිලිබද සම්පූර්ණ තක්සේරැවක නිරත වන ලෙසට චීන අධ්‍යාපන අමාත්‍යාංශය විසින් ප්‍රසිද්ධියේ එරට සිසුන්ට දැනුම්දීමට ප්‍රතිචාරයක් ලෙසයි.
ඕස්ට්‍රේලියාවේ චීන සිසුන්ට එරෙහිව දරැණු ජාතිවාදයක් ක්‍රියාත්මක බවත් චීන සිසුන්ට එරෙහිව ප්‍රහාර එල්ල වන බවත් චීන අධ්‍යාපන අමාත්‍යාංශය සදහන් කර තිබේ.
මීට ප්‍රතිචාර ලෙස ඕස්ට්‍රේලියානු අධ්‍යාපන අමාත්‍ය ඇලන් ටජ් සදහන් කර ඇත්තේ තම රට ලෝකයේ වඩාත්ම ආරක්ෂිත රාජ්‍යයක් බවයි.
ඕස්ට්‍රේලියාව විදේශ සිසුන්ට අධ්‍යාපනය ලැබීම සදහා වඩාත් සුදුසුම රාජ්‍යයක් බවත් එය කිසිවිටක ජාතිවාදය හෝ ප්‍රචණ්ඩත්වය නොඉවසන බවත් ඔහු අවධාරණය කොට තිබේ.
එබැවින් තම රට සම්බන්ධයෙන් එවැනි ව්‍යාජ තොරතුරු ප්‍රචාරය නොකරන ලෙස ඕස්ට්‍රේලියානු අධ්‍යාපන අමාත්‍යවරයා චීනයට අවධාරණය කොට තිබේ.
