ඉරිදා නිකුත් කරන ලද සංශෝධිත සෞඛ්ය මාර්ගෝපදේශයන්ට අනුව සම්බාහන මධ්යස්ථාන යළි විවෘත කිරීමට ඉඩ දුන්නේ ඇයි දැයි යන්න සෞඛ්ය අමාත්යාංශය විසින් පැහැදිලි කර තිබෙනවා.
ඒ සම්බන්ධයෙන් අදහස් දක්වමින් සෞඛ්ය සේවා නියෝජ්ය අධ්යක්ෂ ජනරාල් වෛද්ය හේමන්ත හේරත් මහතා පවසා ඇත්තේ සම්බාහන මධ්යස්ථාන යළි විවෘත කිරීමට අවසර ලබාදීමට නිශ්චිත හේතුවක් නොතිබූ බවයි.
“මුලදී, අපට දැඩි මාර්ගෝපදේශ සමඟ සියල්ලම වසා දැමීමට සිදු වුණා. කොවිඩ්-19 රෝගීන් අඩු වන විට, පවත්නා සීමාවන් ලිහිල් කිරීමට සිදුව තිබෙනවා. ඒ අනුව අපි ක්රමයෙන් සීමාවන් නිදහස් කරනවා” යැයි වෛද්ය හේරත් ඩේලිමිරර් පුවත්පතට අදහස් දක්වා තිබෙනවා.
පසුගිය ඉරිදා (04) නිකුත් කළ සෞඛ්ය මාර්ගෝපදේශ දින 14 ක් සඳහා වලංගු වන බවත් සම්බාහන මධ්යස්ථාන වසා දමා වෙනත් දෙයක් විවෘත කිරීමට නිර්දේශ කරන්නේ නම් බලධාරීන් ඒ අනුව එම තීරණය ගනු ඇති බවත් සෞඛ්ය සේවා නියෝජ්ය අධ්යක්ෂ ජනරාල් වෛද්ය හේමන්ත හේරත් මහතා පවසනවා.
කෙසේ වෙතත්, සංශෝධිත මාර්ගෝපදේශයන්ට අනුව පබ්,බාර්, කැසිනෝ සහ රාත්රී සමාජශාලා තවදුරටත් වසා තැබෙනු ඇති.